Ótrúlegt litli púkinn minn er orðinn 4ra ára. Hann átti afmæli í gær og að sjálfsögðu hringdi besta frænkan hans og söng fyrir drenginn sinn (veit nú ekki alveg hvað honum fannst um það því mamma hans sagði að hann hefði verið frekar skrýtinn á svipinn) Við ákváðum alla vega í gær að þegar ég kem verður stöðug afmælisveisla, við ætlum að leika okkur saman á hverjum degi.
Er í fríi í dag og það er svo yndislegt veður eða þannig, skýjað, 10°C og ég bara bíð eftir að það byrji að rigna. Ætla reyndar ekki að láta veðrið halda mér inni, ætla út að labba hringinn minn og svo jafnvel að kíkja í smá í búðir, langar í nýjar gardínur í stofuna hjá mér aðeins að fá smá líf þangað inn.
Var í gær hjá vinkonu minni sem var að byrja að selja snyrtivörur frá Mary Kay, fékk smá treatment, hún er ennþá bara með hin ýmsu krem (er svo fín í húðinni í dag og með silkimjúkar hendur) en eftir 3 vikur lærir hún föðrun og að hjálpa fólki að velja þá liti sem hentar þeim og ég var ekki lengi að þakka gott boð um persónulega ráðgjöf í þeim málunum.

þetta varð nú lengra babl en ég æltaði mér
Lifið heil

Díva eða......

Hvað finnst öllum heima um framlag okkar til Evróvisjón. Persónulega er ég hrifin af laginu og finnst Silvia Nótt frekar fyndin en hvar liggja mörkin fyrir dívur, getur dívan orðið drusla? Núna er mikið í fréttum hérna blótsyrðin í laginu og að aðstandendur keppninnar vilji að textanum verði breytt fyrir fimmtudaginn. Þessi setning the vote is in, I'll fucking win fer mjög svo fyrir brjóstið á aðstandendum keppninnar, svona í seinna lagi finnst mér þar sem það er bara tæp vika í keppnina. Í morgun las ég svo á textavarpinu að ef textanum verði ekki breytt eigi Íslendingar á hættu að verða reknir úr keppninni og hver eru viðbrögð Silvíu jú "I'll fucking sing what I fucking want" því spyr ég hvar eru mörkin hvenær fær maður nóg af dívunni og sniðgengur hana? Silvía Nótt er kannski eins og Selma sagði í þættinum full sigurviss og góð með sig. En svo á hinn bóginn eins og Eiríkur Hauksson sagði annaðhvort elskar maður hana eða hatar hana.
Hvað finnst ykkur, verður Ísland sniðgengið í keppninni eða læra Grikkirnir að taka gríni fyrir fimmtudaginn?
Ein ráðvillt

Hrikalega er ég DUGLEG, var að skrá mig í Tjejmilen, sænskt kvennahlaup sem verður 27.ágúst í Stokkhólmi. Við ætlum að fara nokkrar úr vinnunni og hlaupa/skokka/ganga 10 km. Ætlum að byrja að æfa okkur saman með því að hittast einu sinni í viku og fara út að hlaupa saman, best ég fari að byrja sjálf aðeins svo ég verði mér ekki til algjörrar skammar. Eftir hlaupið ætlum við svo að sjá söngleikinn Mamma Mia eftir þá ABBA-bræður, ég sá hann reyndar í London fyrir nokkrum árum (þori varla að hugsa til að það séu 5 ár, sá hann nefnilega í útskriftarferðinni minni) það var reyndar á ensku, núna er allt á sænsku meira að segja lögin.
Þið vitið hvað spekingarnir segja time flies when you're having fun.... 5 ár síðan ég kláraði hjúkkuna og 3 ár síðan ég flutti til Karlskrona ótrúlegt og ég ennþá bara tvítug.

Er búin að bóka flugmiða heim núna í júní kem um miðjan dag 9.júní og flýg svo heim seinnipart 18.júní. Ágústa ég kem beint í afmæliskaffið ekki satt;-þ

Kveðja
Anna Dóra

Komin einu skrefi nær Ástralíu, bókaði ferðina í gær :-) Var svo heppin að ég þarf bara að skipta einu sinni um vél. Flýg til Bankok og þaðan beint til Sydney og svo taka við 4 vikur af skemmtilegheitum. Er búin að fá vinnuskýrsluna fyrir sumarið, og ég fékk vikufrí sem ég bað um núna í júní og kem heim líklegast 9.júní og verð til 18. júní hljómar vel ekki satt. Hlakka til að hitta alla, veit að saumó ætlar að hafa smá hitting. Verð eins og vanalega heima hjá m+p þannig að það er bara að hafa samband.
Var ekki búin að segja ykkur frá nærridauðaupplifuninni minni hérna um daginn, var að fara að sofa þegar ég rek augun í þessa líka risahlussukónguló sem situr á veggnum í svefnherberginu mínu alveg uppvið loftið. Með adrenalínið í botni og öndunina á 100 km/klst byrja ég á að hringsnúast og reyna að ákveða hvað ég eigi að gera, ekki ætlaði ég að sofa hjá kvikindinu. Sæki svo ryksuguna, stend uppi í rúmi 2m frá helv..... (betra að vera í öruggri fjarlægð ef hún skyldi detta á gólfið) og náði henni með ryksugunni :-). Til að vera viss um að hún kæmist nú ekki út aftur setti ég ryksuguna í gang 5x í viðbót svona just in case. Einn vinnufélagi minn sem er ekki hræddur við kóngulær spurði hvort ég héldi að kóngulóin biði þarna á veggnum þar til ég sofnaði og kæmi svo og myndi ráðast á mig. Ég tilkynnti honum bara að ég tæki ekki sjénsinn á því, þá bara hló hann að mér ;-)
Jæja bið að heilsa í bili
Anna Dóra

Það var ekkert smá gaman hjá mér í gær.

Í gær var opið hús hjá hernum hér í Karlskrona og þeir voru að kynna sína starfsemi og buðu fólki innfyrir hliðin og að sjálfsögðu var ég og Jessica á staðnum. Við röltum þarna um og skoðuðum stríðsbáta og fórum að sjálfsögðu um borð. Kynntum okkur þrengslin í kafbátum (það er ekkert smá sem maður þarf að vera liðugur til að vinna við þessar aðstæður) Horfðum á flugsýningu þar sem herinn sýndi stolt sitt JAS 39 Gripen stríðsflugvél (ekkert smá Top Gun;-þ) þyrluflugmenn voru einnig á svæðinu og léku listir sínar. Einnig kíktum við á köfunaraðstöðuna þeirra en það eru margir Íslendingar sem hafa komið hingað og æft fri uppstigning (veit ekki hvað það er á íslensku) og þar er líka aðstaða til að veita sjúklingum súrefnismeðferð þar fékk ég einmitt einkatúr því að einn sem var að vinna með mér (og farinn að vinna hjá hernum) var á staðnum og sýndi mér vinnusvæðið sitt. Hápunkturinn var svo eiginlega þegar við fórum svo í planetariumið og skoðuðum stjörnuhvolfið. Held barasta að ég geti fundið Karlsvagninn og Pólstjörnuna eftir þetta. Auðvitað skelltum við okkur svo út á lífið í gærkvöldi, síðasti sjéns núna í margar vikur. Jessica fer til Englands í fyrramálið. Við skemmtum okkur svo vel að ég held að við eigum eftir að lifa á þessu kvöldi í langan tíma.

Kveð í bili að hermannasið
Anna Dóra

Travelfever

Ég og Jessica ætlum að hittast á morgun og aðeins að skipuleggja Ástralíuferðalagið okkar. Þ.e. að ákveða hvað við viljum sjá, hún er nefnilega á leiðinni til Englands á mánudaginn og verður í 3 vikur þar í verknámi. Það er reyndar sumt sem við erum búnar að ákveða, við ætlum að klifra á einhverri risabrú í Sydney, synda með höfrungum, snorkla á kóralrifinu, ath hvort við getum ekki látið taka mynd af okkur á krókódílabaki og dansa með frumbyggjum og síðast en ekki síst djamma með brimbretta gaurum. Vá hvað það verður gaman hjá okkur.
Annars held ég barasta að sumarið sé komið hérna hjá okkur. Sólin farin að skína og hitinn farinn að nálgast 20°C, ekki leiðinlegt það.

Bið að heilsa í bili
Anna Dóra

Fínt að vera svona frjáls eins og fuglinn, geta farið þangað sem ég vil þegar ég vil. Ekki fyrr komin heim úr smá ferðalagi þegar næsta er skipulagt. Silfurrefurinn svínliggur á götunum með Foxy lady undir stýri, ekki bagalegt það.
Það var ekkert smá fínt um helgina. Er þetta kaldhæðni eða íslenska? Fór á sunnudaginn með Óla, Lindu, Leo og Elíasi á rollubúgarð þar sátum við úti í "góða" veðrinu og fengum okkur kaffi, kíktum svo á allar rollurnar og nýfæddu lömbin, sáum því miður engin lömb fæðast en kannski seinna. Alla vega keyptum við lambakjöt á grillið sem við borðuðum með bestu lyst um kvöldið ;-Þ
Ætla á morgun eftir vinnu (fæ vonandi að hætta á hádegi) til Kristianstad og hitta Rúnu systir. Hún er þar að keppa í handbolta með löggunni - algjör pæja. Fer svo á kvöldvakt á fimmtudag, vona bara að ég nái að sjá einhvern leik hjá þeim, ætla alla vega að taka íslensku víkingahúfuna mína með mér svona just in case.

Bið að heilsa í bili
Anna Dóra

Do I look like I need a hug?

Fór og sótti bílinn minn eftir vinnu í dag, JIBBÝ og ég spyr einu sinni enn, lít ég út fyrir að þurfa á faðmlögum að halda? Sölumaðurinn var svo ánægður að vera búinn að selja mér bílinn að hann varð að gefa mér faðmlag, faðmaði mig líka um daginn þegar ég keypti bílinn!!!

Stefni á að KEYRA á nýja bílnum mínum til Varberg um helgina og heilsa uppá Röggu frænku og fjölskyldu. Raggi er á landinu með fjölskyldunni og ég hlakka ekkert smá til að hitta alla.

kram
Anna Dóra

Fyrsta flokks móðursýki eða hvað....

Í gær var blásið upp í blöðunum að rúmlega 100 manns í USA hefðu fengið sveppasýkingu í augun og tengdu það við linsuvökva. Þessi sýking geti svo leitt til blindu. Var í gleraugnabúð í dag og þessar 20 mín sem ég var þar inni stoppaði hvorki síminn né straumurinn af fólki sem var með fyrirspurnir um linsuvökvann sinn eða vildi skipta um linsuvökva. Konugreyið sem stóð í afgreiðslunni (og farin að kunna fréttatilkynningu umrædds fyrirtækis utanaf) tilkynnti fólki að það væri engin hætta á ferðum, þar sem þetta hefur einungis komið upp í USA og þeir séu með eigin markað og linsuvökvar sem séu seldir í Evrópu séu framleiddir í Evrópu. Ég er svo sammála konunni í einu sem hún sagði að sýkingar í augun vegna linsunotkunar sé frekar spurning um hreinlæti en hitt. Þannig að gott fólk, munið að þvo ykkur um hendurnar við linsunotkun.

Fyndið en samt ekki. Skírdagur er ekki frídagur hérna en samt er það frídagur. Það var hringt í mig frá Toyota og ég spurð hvenær ég vildi sækja bílinn. Ég fór svo í bankann, var komin 5 mín fyrir 13 og þeir lokuðu klukkan 13, fór síðan á kaffihús og hringdi svo í Toyota og þá voru þeir búnir að loka og klukkan var bara 14. Þanig að á þriðjudaginn eftir vinnu fer ég og sæki bílinn minn. Ekkert smá spennandi.

Óska öllum gleðilegra páska, ég ætla eyða páskahelginni með vinnufélögunum og deila með mér páskaeggi frá Siríus og Nóa, sýna Svíunum hvernig alvöru páskaegg lítur út, það verður sko ekkert pappaegg fyllt með bland í poka.

Páskakveðja
Anna Dóra

Haldiði ekki að stelpan hafi barasta keypt sér bíl í dag!!!

Jú, ég prufukeyrði Toyota Corolla '04 árgerð með Eiríki um daginn og ráðfærði mig svo við starfsfélaga mína og hringdi svo í Toyota í morgun og bauð í bílinn. Ég var beðin um að koma við í umboðið í dag, sem ég og gerði og hvað haldiði ég fékk bílinn á því verði sem ég setti upp og vetrardekk að auki. Ánægð með mig :-) Þannig að núna á ég silfurlitaða Corollu með loftkælingu. Það er greinilega allt önnur menning í bílasölum hérna því ég fæ bílinn afhentan eftir 1-2 vikur, það er svosem ágætt því ég þarf að millifæra pening, en skrýtið engu að síður.

Bíleigandinn kveður að sinni

Anna Dóra

Ljóskubrandarar dauðans...........

Fór í klippingu í síðustu viku, aðeins að fá mér smá vorlúkk og lýsti aðeins á mér hárið. Í dag í vinnunni fékk ég aldeilis að heyra það eins og að nú þegar ég sé orðin ljóska vilji strákarnir endilega hafa mig áfram ;-) en eins og skáldið sagði blondie's have more fun.......

Ræddi aðeins við cheffann í dag, það voru nefnilega launahækkanir í gangi, allir fengu launahækkun nema Anna, hún er hvorki pottur né panna. Málið er að ég er ekki fastráðin heldur bara með afleysingu þannig að ég fæ ekki þessa sjálfvirku launahækkun sem allir fengu heldur þarf ég að semja um launin mín við næstu áframhaldandi ráðningu. Jibbý ekkert smá réttlátt kerfi eða þannig =(

Ætla að drekkja sorgum mínum í Tab Extra, við heyrumst síðar
Anna Dóra

Alltaf gaman í Karlskrona

Rúna og co komu síðastliðið þriðjudagskvöld og við erum búin að skemmta okkur konunglega, svo á föstudaginn birtist allt í einu Maggi bróðir hérna mér til mikillar ánægju=) Í gær skelltum við okkur til Växjö í innanhús vatnagarð. Þar voru nokkarar rennibrautir og svo uppáhaldið mitt, sterkur straumur sem færði mann hring eftir hring í gegnum smá göng og það var hreint út sagt hægara sagt en gert að komast úr honum=) Í dag er svo síðasti dagurinn þeirra og við ætlum bara að leika okkur, taka því rólega áður en þau halda heim í fyrramálið=( Ætlum reyndar að taka smá forskot á páskana í dag, Þau komu nefnilega með páskaegg frá Nóa og Siríus, eittt númer 4 handa mér til að eiga um páskana og eitt númer 7, handa okkur, nammi namm hvað ég hlakka til.

Jæja kallar Eiríkur í hádegismatinn, bið að heilsa í bili
Anna Dóra

Smá mis í skipulaginu eða.....

Búið að vera frekar löng helgi. Fór á föstudaginn í keilu með vinnunni sem var náttúrulega ekkert smá gaman og svo átti að kíkja á smá pöbbarölt og þar sem ég og Jessica vorum búnar að ákveða pöbbarölt sjálfar kom hún og hitti okkur. Svo var bara svo hrikalega gaman hjá okkur (eins og alltaf) að þetta endaði sem hrikalegt djamm og vorum við ekki komnar heim fyrr en seint og síðarmeir. Ég fór svo á kvöldvakt í gær, ekkert mál, var sprækur sem lækur. Hef ekki alveg sömu sögu að segja í dag, þó svo að morgunvaktin hafi verið róleg, þá hafði það sitt að segja þessi klukkutími sem ég fékk að sofa minna í nótt þar sem við skiptum yfir á sumartíma. Núna er ég semsagt 2 tímum á undan ykkur heima.

Jæja bið að heilsa í bili
kram
Anna Dóra, frekar þreytt eftir helgina, hlakkar því óneitanlega eftir að fá gesti og smá frí =)

Í dag er vorjafndægur og hvað haldiði jú það snjóaði aðeins í dag, ég er ekki alveg að sjá fyrir endann á þessum vetri. Var á nýrri vakt í dag, sem kallast O-tur (óheppni) og er frá 9:45-19, talandi um að eyða deginum í vinnunni, og að sjálfsögðu fékk ég að vinna yfirvinnu, nema hvað.....
Styttist í að Rúna og co komi og ég hlakka ekkert smá til, við ætlum að skella okkur í sund til Växjö 1. apríl þar sem eru vatnsrennibrautir, öldulaug og annað skemmtilegt. Þeir sem vilja koma með eru velkomnir.

Bið að heilsa í bili
Anna Dóra

ÞÆGINDI EÐA LETI?

Eitt af því leiðinlegasta sem ég geri (I kid you not) er að vaska upp, hef aðeins verið að hugsa um þetta og komist að þeirri niðurstöðu að ég eyði líklegast milli 2 1/2 - 3 klst á viku bara standandi við eldhúsvaskinn. So what segið þið sem eruð með stærra heimili og í sömu aðstöðu, ég segi bara mig langar í uppþvottavél, bara svona litla sæta sem ég get skellt upp á borð og notið þeirra þæginda sem hún býður uppá, nefnilega að sjá um uppvaskið fyrir mig;-) Hvað segið þið er ég löt eða eru þetta þægindi sem ég ætti að unna mér?

Styttist í kvöldvaktina, best að taka sig saman í andlitinu og gera sig klára

Anna Dóra

Ég veit ekki hvort þið trúið mér en það er ennþá að snjóa, snjóaði pínu í morgun en samt fannst mér þegar ég var úti áðan að það væri aðeins að byrja að rigna =)
Annars eins og Ásdís benti á í síðasta commenti þá er lokakeppni í sænsku undankeppni Eurovision og ég og aðrir Svíar bíðum spennt eftir að sjá hver mun standa á sviðinu í Aþenu fyrir þeirra hönd. Ég held mest uppá slagerdrottningu Svíanna Carola og BWO, held svo sem að keppnin standi á milli þeirra. Þið sem náið sendingum frá sænska sjónvarpinu endilega að skella sér fyrir framan imbann næsta laugardag í slagerfílíng, held það byrji kl 20 að staðartíma. Ég verð alla vega límd fyrir framan skjáinn.

Bara 2 vikur þangað til Rúna og co koma, ég bíð spennt................
Til hamingju með daginn Sigrún bara orðin 18 ára skvísa

kveðja
Anna Dóra

Winter wonderland

Þetta útsýni hef ég haft síðan ég kom heim eftir jólafrí. Í morgun var ekki nema -12°C þegar ég labbaði í vinnuna og -3°C þegar ég labbaði heim. Samkvæmt veðurfræðingunum á þetta vetrarveður að haldast í ca viku til 10 daga og svo á að byrja að vora. Jibbý segi ég bara, orðin frekar þreytt á þessu. Sé í rauninni mest eftir að hafa barasta ekki keypt mér gönguskíði í janúar, orðið full seint núna. Ég held í vonina að það fari að vora bráðum, styttist í að Rúna komi og mig langar að geta verið úti með gormunum mínum, ekki það að Halldór myndi kvarta undan snjónum en alltaf skemmtilegra ef það er ekki ofkalt.
Bless í bili
Anna Dóra

SALTKJÖT OG BAUNIR TÚKALL.....

Ef þið bara vissuð hvað mig langar mikið í saltkjöt og hnausþykka baunasúpu eins og amma gerði alltaf, er ég viss um að þið mynduð senda það svo hratt með DHL til mín að það myndi ekki ná að kólna =) Í dag er bolludagur þeirra Svía þannig að ætli ég geri mér ekki bara eina semlu að góðu í staðinn fyrir saltkjötið og bollurnar í gær. Sænsku bollurnar (semla) eru nefnilega gerbollur (eins og mér finnst best) en í staðinn fyrir sultu og rjóma er möndlumassi og rjómi í miðjunni og flórsykur ofaná þeim. Þetta er gott, ég lofa, meira að segja Maggi borðar þetta.....
Á morgun er svo öskudagur, sjálf er ég að hugsa um að vera svæfingahjúkka en drengirnir mínir toppa mig verða stór og lítill Superman, hvað ætlar þú að vera á öskudaginn?

Anna Dóra

Er ekki í lagi hjá sumum? Rakst á þessa frétt á mbl.is

Súdönskum manni var skipað af öldungum þorps sem hann býr í að greiða heimanmund með geit. Eigandi geitarinnar, hr. Alifi, stóð manninn að ósiðlegu athæfi með geitinni.

Ég veit ekki hvort þið trúið mér en hérna er ennþá snjór og búinn að liggja í 2 mánuði. Í hvert einasta skipti sem ég held að snjórinn sé nú loksins að byrja að bráðna þá byrjar að snjóa aftur. Fannst í gærkvöldi þegar ég labbaði heim úr vinnunni að vorið lægi í loftinu, kanínur að skoppandi á spítalalóðinni en nei í morgun var 10°frost. Ég vona að snjórinn verði nú horfinn og aðeins byrjað að hlýna þegar Rúna og co koma eftir mánuð. Næstu helgi eru undanúrslit í undankeppni Eurovision 3 hluti af 4 og hann verður hér í Karlskrona. Á reyndar ekki miða á sjálfa sýninguna en skelli mér eflaust á schlagerbaren um kvöldið (euruvision= schlager)það verður ábyggilega svaðalegur stemmari í bænum sem er reyndar uppljómaður í bleikum ljósum þessa dagana keppninni til heiðurs. Þyrfti eiginlega að fjárfesta í einhverju bleiku fyrir næstu helgi=)
Fór í bíó í vikunni á hroka og hleypidóma, mér fannst hún æðisleg. Þar sem ég er í Bridget Jones klúbbnum er náttúrulega skylda að "elska" Mr. Darcy það er reyndar ekki erfitt..........
Gaman að búa í Svíaríki þessa dagana, þeim hefur gengið ekkert smá vel á ÓL í Torino. Svo eru þessir Svíar svo fyndnir, hrikalega ánægðir með sitt fólk en ennþá ánægðari með hversu illa Norðmönnum hefur gengið því Norðmenn séu vanir að sópa til sín verðlaunum í vetraríþróttum og yfirleitt langtum betri en Svíarnir á þeim kantinum.

Jæja bið að heilsa í bili
love
Anna Dóra
btw var að lesa að bloggið sé atur orðið inni og bara hörðustu bloggarar sem hafa lifað af, ég missti alveg af því að bloggið hefði orðið úti, er bara að þessu því ég hef gaman af því........

Ég átti frábæra helgi í Kaupmannahöfn, hvað gerðir þú?

Það er svo gaman að gera eitthvað nýtt... Var í Köben um helgina með mömmu, pabba og Rúnu systir og okkur systrunum var boðið út að borða á staði sem við höfum ekki prófað áður. Prófuðum Hereford House, barasta hrikalegasta steik sem ég hafði smakkað þar til á laugardeginum þegar við borðuðum á det lille Apoteket elsta veitingastað Kaupmannahafnar þar sem ekki ófrægari maður en H.C. Andersen var fastagestur, og að sjálfsögðu gerðu Fjölnismenn sér matinn að góðu þar eins og þeir gerðu ölinu góð skil á Hviids vinstue þar er meira að segja mynd af þeim á veggnum. Báðir staðirnir eru gamlir og margt upprunalegt þar. Skelltum okkur líka á Heimsmetasafn Guinness á strikinu. Úff mér finnst ég vera farin að hljóma eins og versta ferðamálakynning fyrir Kaupmannahöfn. Þið vitið hvernig það er að maður hittir alltaf einhvern sem maður þekkir, ég hitti 3 vini mína sem ég hef ekki hitt síðan ég flutti hingað og þeir til Köben, ekki slæmt það. Boðskapur bloggsins í dag heimsækið Kaupmannahöfn, etið, drekkið og verið glöð.....

kveðja
Anna Dóra

Ein lítil gáta: Hvað er finnsk sumarsúpa?

Ég veit að ég er ekkert ofboðslega gömul en einhvers staðar verða mörkin að liggja. Fór í bæinn í dag eftir vinnu og keypti lestarmiða fyrir Kaupmannarhafnarhelgina mína (fer á morgun eftir vinnu) og kíkti aðeins í búð í leiðinni. Ákvað svo að taka strætó heim og hvað haldiði ég borgaði barnagjald í strætó (hahahahahahaha) þið vitið ekki hvað ég er búin að hlæja mikið af þessu, er meira að segja að spá í að ramma inn kvittunina sem ég fékk svo ég geti nú hlegið ennþá meira að þessu. Veit ekki hvort það skipti máli að bílstjórinn var eldri kona, ég er alla vega búin að grenja úr hlátri.

Svar við gátunni: Vodka í djúpri skál með blómamynstri

Best að henda smá fötum í tösku
kveðja
Ein sem er greinilega yngri en henni finnst hún vera ;-)

Samviskuspurning!!

Jessica er að fara að vinna í Ástralíu næsta sumar, vinnur júní til ágúst og ætlar svo að ferðast um Ástralíu í september. Hún er að sjálfsögðu búin að spyrja vinkonu sína hvort hún vilji ekki koma til sín í september og þær ferðist saman. ÉG er frekar mikið heit fyrir þessu, sjáið þið þetta ekki fyrir ykkur, 2 norrænar skvísur innan um alla brimbrettagaurana ;-) Ef ég fer þá myndi ég ekki koma heim næsta sumar því ég myndi spara sumarfríið mitt fyrir þetta, held að þið þurfið bara að koma og heimsækja mig í staðinn, hvernig hljómar það?

Annars styttist í smá mini-weekend ferðalag, Köben um næstu helgi, sofa á hóteli, borða hótelmorgunmat, borða á veitingastöðum, ekkert stress bara að lifa og njóta lífsins.

Jæja ætla að senda meil á Ragga frænda og óska honum og Verenu til hamingju með litlu prinsessuna.

love jú
Anna Dóra

Nú eru allar línur lagðar fyrir heimsókn í borgina við Eyrarsund. Mamma er að fara eins og ég var búin að segja ykkur í vinnuferð til Köben sem varar svo yfir helgina 17-19. feb. Hún kemur út á miðvikudeginum og ég fer svo niður á föstudeginum eftir vinnu nema ég geti fengið frí þá fer ég niður á fimmtudeginum eftir vinnu. Vitið þið hvað verður það besta við ferðina. Pabbi og Rúna koma með henni=) Við höfum nú barasta ekki verið 4 saman á ferðalagi frá því að áður en Maggi fæddist (alls ekki illa meint Maggi). Þetta verður æðislegt, þið getið ekki ímyndað ykkur hvað ég hlakka til, bara 2 vikur þangað til.
Ætla að vígja spilið sem ég fékk í jólagjöf í kvöld, jú það verður tekið drykkjulúdó í kvöld, hvernig það endar þori ég ekki að segja til um, hvort við komumst niður í bæ á eftir þori ég ekki heldur að segja neitt til um, efast ekki um sjálfa mig bara félagsskapinn sem virðist einhvern veginn alltaf kenna mér um þegar hann drekkur of mikið. Ég veit svosem að það er ágætt að geta kennt einhverjum um en af hverju ÍSLENDINGNUM?
Skemmtilegt að skella sér út á lífið á Þorrablótstímum, reyndar verður ekki þorramatur á mínum borðum í kvöld, nei pizzan verður látin duga, en ég skal skála þeim mun oftar fyrir ykkur sem sitjið sveitt yfir hákarlinum.
Best að skella sér í búðina og ná sér í bland...............

Pistill vikunnar

Vikan sem er að líða hefur ekki verið neitt smá ljúf. Bara unnið mánudag til miðvikudags, var í fríi í gær og Caroline kom til mín og við borðuðum saman og horfðum á ræmu. Horfðum á Sideways og að sjálfsögðu drukkum við rauðvín með. Aftur í fríi í dag, skellti mér í bæinn í morgun og verslaði og keypti afmælisgjöf handa Guðfinnu. Stefnan svo tekin í vinnuna um helgina og afmæli. Er ennþá að leita að bíl, vill ekki kasta mér á fyrsta bíl sem ég sé, um að gera að skoða aðeins úrvalið og gera samanburð.
Jessica ætlar að kíkja til mín í kvöld og við ætlum að borða eitthvað gott og slúðra pínu. Hljómar eins og plan eða hvað.

Jæja best að halda áfram að fylgjast með á netinu hvort það losni í spinningtímann minn, var of sein að skrá mig í gær, allt orðið upppantað. Ég er nú samt að spá í að mæta barasta á staðinn og sjá hvort einhver hafi ekki barasta hætt við.

love
Anna Dóra

Hæ hæ
Ekkert varð af bílakaupum þessa vikuna en maður veit aldrei hvað komandi vikur hafa uppá að bjóða. Núna er aftur orðið kalt og búið að snjóa nær stanslaust í 2 daga og á að snjóa og vera kalt alla helgina, samt er ekkert mikill snjór núna, frekar þunnur snjór sem hefur fallið. Skellti mér í leikfimi í gær í box, hrikalega var þetta gaman, fá smá útrás eftir vinnuna. Finn reyndar fyrir vaxandi harðsperrum í dag sem fara varla skánandi þar sem tvöfaldur leikfimitími bíður mín, fyrst spinning og svo að lyfta. Kraftur í stelpunni þessa dagana :-)

Ætli það sé ekki best að taka sig til og pakka sér svo inn í hlý föt áður en ég labba í leikfimina.

kram
Anna Dóra

Skil vel "ánægju" ferðamálaráðs með Íslandskynningu Tarentinos. Mæli með því að þið skellið ykkur inn á www.kvikmynd.is og horfið á viðtalið þegar Conan og Tarantino ræða um íslensku áramótin en þó aðallega skemmtanalífið. Þetta er alveg it's so funny because it's so true eins og einhver snillingurinn sagði. Besta er eiginlega lýsing hans á Opal skotunum að það sé það versta sem hann hafi smakkað. Persónulega hef ég ekki smakkað Opal en Tópas var hrikalega gott. Blár Gajol var bara eins og hóstamixtúra. Ef þetta á ekki eftir að laða ferðamenn til Íslands þá veit ég ekki hvað mun gera það. Var einmitt að spjalla við stráka í nótt sem voru einmitt að tala um að þeim langaði til Íslands og þegar ég sagði þeim hvernig Tarantino lýsti því voru þeir enn ákveðnari í að skella sér.

Kíkið á þetta og segið mér svo að þetta sé ekki fyndið
Ein að deyja úr hlátri.
p.s. er að fara að skoða bíl á þriðjudaginn, meiri fréttir síðar
love
Anna Dóra

FÖSTUDAGUR TIL FRAMA

Ekki þennan föstudaginn. Tók á mig þá hrikalegu fórn að bjóðast til að vera í fríi í dag :-) Það leit allt útfyrir rólegan dag í vinnunni og offramboð á vinnukrafti þannig að þeir sem eiga inni mikið frí (hálfgerður frítökuréttur) var boðið að taka út frí í dag. Ég ákvað rétt fyrir vinnulok í gær að ef boðið stæði ennþá að þiggja það. Þvílíkur draumur svaf út í morgun, sat svo lengi og naut þess að borða morgunmatinn og lesa blaðið og ætla svo að taka til hérna heima hjá mér áður en þvottatörnin eftir hádegi tekur við. Fínt að geta klárað svona uppáhalds verk á einum degi. Ætla að láta búðarráp bíða til morguns en þá ætla ég að leita að jólagjöfinni frá Magga bróðir, straujárni, kannski ég plati einhvern sem á bíl með mér og kaupi mér straubretti í leiðinni, hver veit nema ég bæti nýju sturtuhengi á innkaupalistann, mitt fína (með fiskunum) er orðið frekar slitið. Getiði mælt með einhverju? Það er kominn einhver eyðslupúki í mig því það er fullt af hlutum sem mig langar í einmitt núna og einhvern veginn tengist það allt heimilinu. Gaman gaman gaman bæði að eyða peningum og gera fínt heima hjá sér. Púff best að drífa sig að taka til ef ég skyldi nú finna eitthvað skemmtilegt á útsölunum!!!
Föstudagsgleðikveðja
Anna Dóra

Ég á von á gestum og helgarferð til Köben.
Rúna og fjölskylda ætla að koma til núna í lok mars og vera hjá mér í viku. Þá er best að leggja vinnuskýrsluna strax í næstu viku og reyna að vera eitthvað í fríi meðan þau verða hjá mér. Annars held ég að mamma sé á leiðinni til Köben fljótlega fyrir vinnuna og auðvitað ætla þá sumir að bjóða sér í gistingu á hótelið til hennar. Hef nú sjaldan neitað helgarferð í kóngsins Köbenhavn og fer ekki að byrja á því núna svona á "gamals"aldri :-)
Annars allt gott að frétta og lífið gengur sinn vanagang, reyndar á hæggangi því ég skil barasta ekki hvað ég hef verið þreytt og löt svona í byrjun árs. Þyrfti eins og eitt duglegt spark í rassinn bara til að skella mér í búðina, henda í þvottavél eða barasta ryksuga.
spark-spark
farin í búðina og panta tíma í þvottahúsið
love
Anna Dóra sem þarf aðeins að taka sjálfa sig í gegn

Ég komst heim.
Ótrúlegt hvað það virðast alltaf verða einhverjar tafir á samgöngum þegar ég kem hingað heim. Eitt skiptið var bruni í Malmö þannig að tafir urðu á lestinni, annað skipti henti einhver sér fyrir lestina og allt var stopp í margar klst. hvaða tafir urðu þá í gær? Jú morgunvélin bilaði í Köben þannig að ég sem átti að fara í loftið kl 14:15 komst ekki í loftið fyrr en 16. Þeir gáfu svo vel í þannig að ég náði svo síðustu lest heim. Dauðþreytt eftir að hafa dregið ferðatöskuna í gegnum allan snjóinn, (jú það er massamikill snjór hér, samt heilmikið búið að rigna burtu) stilli ég vekjaraklukkuna og hendi mér í háttinn. Byrjaði svo vinnuárið á því að sofa svona hressilega yfir mig. Vaknaði með andfælum kl 10 í morgun, og enginn hringt til að vekja mig. Yfirmennirnir sögðust hafa haft á tilfinningunni að ég væri eitthvað þreytt eftir ferðina þannig að mér var barasta leyft að sofa. Þannig að 10:30 staulaðist ég inn í vinnuna með skottið á milli lappanna. En þið sem þekkið mig vitið að ef ég geri eitthvað, þá er um að gera það almennilega.
Skellti mér svo í spinning áðan, ekkert smá dugleg.
Þar til næst
Anna Dóra

GLEÐILEGT ÁR OG FARSÆLT KOMANDI ÁR

Komið að árslokum og þar af leiðandi uppgjöri ársins.
Starfsferillinn:
Kláraði svæfingahjúkkuna og gæti ekki verið ánægðari í starfsvali, geri aðrir betur.
Ferðalög:
Lundúnir um páskana með fjölskyldunni, helgarferð til Uppsala, Íslandsferðir, önnur um sumar, ógleymanleg ferð með góðu fólki, nokkrar helgarferðir niður til Köben og svo það hin ferðin sem stendur uppúr, þegar stórfjölskyldan hittist í Danmörku.
Skemmtanalífið:
Mjög líflegt þetta árið (eins og venjulega) :-) Fór á tvenna tónleika, Winnerbäck og Sálina, geggjaðir báðir.
Ástarmál:
Maður fer nú ekki að gerast of persónulegur þó svo að það sé áramótauppgjör ;-)

Gangið hægt um gleðinnar dyr
Anna Dóra

Gleðileg jól allir saman

Ég hef það ekkert smá fínt hérna hjá m+p. Kom þeim svo skemmtilega á óvart þegar ég kom, þau áttu ekki von á mér fyrr en á Þorlák en ég birtist hérna í dyrunum seint þann 22. des. Helga Dís sem var að koma heim á sama tíma stóð gargandi í hlaðinu og tárin runnu (af gleði vona ég) og mamma og pabbi sátu sem steingerð og þegar þau loksins fengu málið aftur spurðu þau bara hvaðan ég hefði komið :-) Maggi sem var nú ekki heima fannst ég ekki fyndin þar sem ég skemmdi allt skipulag hjá honum á Þorlák þar sem hann var búinn að skipuleggja daginn samkvæmt Keflavíkurferð. Annars er allt gott að frétta, gaman að hitta fjölskyldu og vini og bara að vera til.

Jólakveðja
Anna Dóra púki

Þegar Anna Dóra bjargaði jólunum!!!
Hvað haldiði, ég er átti þátt í því að bjarga jólunum hér í Svíaríki. Ha hvernig tókst henni það hugsið þið náttúrulega. Jú Jóli datt nefnilega og braut á sér mjöðmina og ég var með þegar var gert við hana. Var með sjúkling í gær sem hefði getað verið jólasveinninn, gamall góðlegur kall, með vingjarnleg augu og mikið hvítt skegg. Einn svæfingalæknirinn sagði þegar hann frétti að hann væri minn sjúklingur að fara nú vel með kallinn =)sem ég náttúrulega gerði. Nú getur Jóli allavega farið og heimsótt góðu börnin á aðfangadag, ef hann haltrar þá vitiði af hverju.

Annars er allt gott að frétta, ferðataskan komin niður af loftinu, reikningar greiddir þannig að allt fer að verða tilbúið fyrir jólafrí.
Hlakka til að sjá ykkur
Anna Dóra

Var að lesa jólakort sem ég fékk í gær (já ég les jólakortin um leið og ég fæ þau þar sem ég verð ekki hér á aðfangadag og finnst þau annars óþarfa farangur!!) Hef í sambandi með þetta eina spurningu til ykkar.
Að vera einhleypur er það sama sem hálf fjölskylda? Viðkomandi sendi nefnilega jólasögu með jólakortinu þar sem var talað um að Íslendingafélagið í Karlskrona væri fimm og hálf fjölskylda (ég er þessi hálfa). Mér finnst sjálfri frekar niðurlægjandi að vera kölluð hálf fjölskylda af því að mín "fjölskylda" samanstendur af mér og engum öðrum.
Hvað finnst ykkur, endilega látið mig vita
Ein niðurlægð

Skyld'það vera jólahjól.......
Já nú er farið að styttast óheyrilega í heimferð. Ég er farin að finna fyrir ókyrrð í kroppnum af spenningi yfir væntanlegu ferðalagi. Þó svo að ég sé ekki með heimþrá og líði vel hérna í Svíaríki get ég samt ekki neitað ákveðnum fiðringi sem fer um mig alla þegar kemur annaðhvort að heimferð eða þegar ég á von á gestum að heiman. Mér hlýtur barasta að þykja svona vænt um ykkur öll. Er á leið í bæinn að kaupa síðustu jólagjöfina og setja jólakortin í póst og ætla svo að skella mér í afródans. Hlakka til að prófa það. Svo veit maður aldrei hvað kvöldið hefur í för með sér, hver veit nema ég skelli mér út á lífið =)

Jæja bið að heilsa ykkur í bili, hlakka til að hitta ykkur öll um jólin. Það næst í mig hjá m+p
Kveðja
Ein í jólaskapi

Hæ aftur!!
Vildi bara deila með ykkur skemmtilegu símhringingunni sem ég fékk í dag. Það var hringt í mig úr vinnunni og mér var tilkynnt að það væri búið að framlengja ráðningasamninginn minn út maí 2006 ef ég vildi. Já takk sagði ég og er ég varla búin að lenda eftir þetta. Þið getið ekki trúað hversu stóru fargi er af mér létt. Mér fannst ég léttast um 10 kg af áhyggjum og tárin bara runnu. Er ég svona hrikalega mikil tilfinningavera? En eins og deildarstjórinn sagði að í lok maí er komið að sumarfríum og þá fara hjólin aftur að rúlla vantar fólk í sumarafleysingar. Jæja nóg komið af babli
tilfinningaveran kveður
Anna Dóra

Hvað segist!

Jólaundirbúningurinn hafinn á fullu hér í Karlskrona. Ég er að verða búin að kaupa allar jólagjafirnar, bara pínu lítið eftir, búin að skreyta aðeins heima hjá mér (vantar reyndar ennþá jólatré) og er á leiðinni á jólaskemmtun á morgun. Bráðamóttakan bauð okkur með sér á jólaskemmtun og ég held að það verði dúndurstuð. Ég ætla að nota tækifærið og klæða mig upp svona einu sinni. Rúna sendi mér kínakjólinn minn og er ég að hugsa um að mæta í honum og sína þessum Svíum að maður eigi að nota tækifærið þegar maður fer á skemmtun á fínasta hótelið í bænum og klæða sig upp=) Er að fara í jólaklippinguna á morgun, ekki enn búin að ákveða hvernig strípur ég eigi að fá mér, allar hugmyndir vel þegnar.
Er að hugsa um að hætta þessu, hringja í vinnuna og láta vita að ég komi á morgun, búin að vera heima með magapínu í 2 daga og öll að koma til.

jólakveðja
Anna Dóra

Aðventan í fullum gangi, jólaskrautið að verða komið upp, jóladiskar undir geislann og jólaglöggið á helluna. Ákvað að þar sem ég verð ekki heima hjá mér um jólin að setja upp jólaskrautið snemma til að komast í jólagírinn. Á reyndar ekki mikið skraut en stefni á að kaupa mér lítið jólatré á næstu dögum sem ég fæ að skreyta alveg sjálf eftir mínum smekk. Veit ekki með ykkur en ég er svo hrifin af gamaldagsjólaskrauti. Ekkert blikkdrasl á mitt tré, bara gamlar heiðarlegar jólakúlur og því líknandi.
Afi á afmæli í dag og það þýðir opna fyrsta gluggann á jóladagatalinu, fékk sent súkkulaðidagatal að heiman. Held ég verði alltaf "litla" dóttir foreldra minna.
Bið að heilsa í bili
Anna Dóra
P.s til hamingju með afmælið Hrafnhildur

Partítröll

Þú ert nýjungagjörn, tilfinningarík félagsvera.


Partítröllið fylgist vel með nýjustu straumum og stefnum hvort sem um er að ræða föt, tónlist eða græjur. Það eru 74.5% líkur á því að það eigi iPod, 61% líkur á því að það eigi Fred Perry póló bol og 96% líkur á því að það eigi Adidas skó. Partítröllinu finnst The OC vera skemmtilegur þáttur.



Partítröllið er vinsælt - eða telur sig að minnsta kosti vera það. Þótt margir laðist að því eins og flugur að mykjuhaug eru aðrir sem eru ónæmir fyrir þokka þess og enn aðrir sem hafa jafnvel ofnæmi fyrir því. Það eru þeir sem eru í eldhúspartíinu á meðan partítröllið hristir rassinn og baðar út öngum á dansgólfinu.



Þegar gamaninu slotar er partígríman þó fljótt tekin niður og undan henni kemur viðkvæma blómið sem partítröllið raunverulega er.


Hvaða tröll ert þú?

Kannið hvaða tröll þið eruð og látið mig vita
Partýtröllið kveður

Sumt vill maður ekki vita!!!

Mamma og pabbi eiga 30 ára brúðkaupsafmæli í dag og ákváðu að skella sér til Kúbu og halda uppá það. Ég sendi þeim að sjálfsögðu kveðju í dag (alltaf góða barnið=)) óskaði þeim til hamingju og vonaði að þau gætu nú notið dagsins. Hvað fæ ég tilbaka, Jú þau voru að koma úr nuddi og voru á leiðinni í sólbað..... ekki alveg það sem ég vildi heyra, nýkomin inn úr kuldanum. Nei mér finnst gott hjá þeim að skoða heiminn, ég lagði þeim reyndar línurnar áður en þau fóru, bara að forðast Castro og fellibyli þá fer allt vel!

Bið að heilsa í bili
Anna Dóra

ÉG ER HETJA

Mér finnst það allavega var semsagt að keppa í sundi í dag og lenti í 3ja sæti og fékk mína fyrstu medalíu á mínu fyrsta sundmóti takk fyrir það. Það var önnur af sundnámskeiðinu sem ætlaði að koma en kom ekki, þannig að ég keppti á móti 2 stelpum 10 árum yngri en ég sem hafa báðar æft sund í mörg ár áður en eru svo sem hættar núna. Þjálfarinn minn var frekar ánægð með mig fannst ég halda ótrúlega í við þær miðað við hvað væri mikill munur á milli okkar þannig ef maður horfir á það sem maður hefur með sér. Ég er STOLT af mér, tíminn minn var 1 min en sú sem vann synti á 40 sek só er það ekki ungmennafélagsandinn sem er ríkjandi, aðalmálið er ekki að vinna heldur að vera með.

Jæja hetjan kveður, kominn háttatími
Knús og kram

Ég er óörugg, af hverju, jú var að lesa í blöðunum að spítalinn ætli að spara 50 millur á næstu árum og þar af 30 í starfsmannakostnaði. Á sama tíma er spítalinn að lofa betri þjónustu! Er einhver annar sem sér einhvern galla á því sem þeir segja. Hmmm fækkum starfsfólki en bjóðum samt betri þjónustu, nei ég held þeir séu ekki alveg sjálfum sér samkvæmir þarna. Ég er með ráðningu til 16. jan. og hef ekki hugmynd um hvað gerist eftir það, það er bara að krossleggja fingurna og vona að þeir vilji ekki missa mig =)Mér skilst svo sem að það eigi ekki að segja fólki upp, það eru alltaf einhverjir að fara á eftirlaun en ef ég skil þetta rétt þá á ekki að ráða inn nýtt fólk garg hvað þetta er vitlaust allt saman. Ef það er einhvern tíma sem maður þarf að vinna þá er það um leið og maður lýkur sinni menntun þ.e. ef maður vill nýta sér það sem maður kann!!
En að öðru "skemmtilegu" sundmótið er á morgun þannig að um það bil um kvöldmatarleytið á morgun langar mig að biðja ykkur að hugsa fallega til mín og senda mér sundstrauma. Er að fara í sund á eftir og vona að ég fái að vita meira um mótið á morgun. Ekki laust við að núna sé svolítill svona "ertu biluð manneskja að ætla að keppa í sundi" fiðringur í manni, ég er greinilega meiri keppnismanneskja en ég hélt. Held ég sé líka að fatta hvað það er sem ég geri vitlaust þegar ég er að synda skriðsund, mér finnst ég drekka hálfa laugina og á erfitt með öndunina. Málið er að ég er alltaf að flýta mér (já ég veit Anna Dóra að flýta sér hahahahaha) því þegar ég hef tekið því rólega þá gengur mikið betur og ég syndi barasta ágætis skriðsund. Jamm þarf svona aðeins að athuga þetta betur.

Styttist í jólafrí
Karlskrona kveður í bili
Anna Dóra

Við á Sálartónleikunum, erum þarna fremstar undir hljómborðinu 

Þokkalega fínt að fá mynd af sér í málgagni þjóðarinnar þó svo að lítil sé. ef þið finnið okkur eruð þið snillingar, ég og Hrafnhildur stöndum beint upp við sviðið og Bimma á bakvið okkur, við erum algjörlega í kantinum á myndinni=) en hei við komum í mogganum;-)

Kveð í bili
Anna Dóra

TÓNLEIKARNIR VORU MEIRIHÁTTAR

Ég á bara til eitt orð til að lýsa tónleikunum VÁ. Ég verð nú líka að segja að ég dáist að þeim Sálarmeðlimum hvað þeir eru í góðu formi, hoppandi og gargandi svona í marga klst þetta hlýtur að reyna á þá (þeir eru ekki alveg 20 lengur). Ótrúlega gaman að vera með hinum 1200 Íslendingunum sem fengu miða þvílíkur stemmari og allir sungu með. Hélt að þakið myndi rifna af húsinu þegar þeir sungu sódóma. Skemmtilegast var þó að rekast á fólk sem ég hef ekki séð ógeðslega lengi barasta í mörg ár. Eftir tónleikana keyrði ég og Hrafnhildur svo heim og það var ekki auðvelt, báðar hundþreyttar enda var talað og sungið alla leiðina heim. Við vorum komnar heim um 7 leytið þannig að ég fékk nokkrar klst svefn áður en ég mætti í vinnuna kl 14 en þreytan var gjörsamlega þess virði.
Er að hugsa um að skella nýja Sálardisknum mínum í tækið og halda áfram að taka til hérna.

bless í bili
Anna Dóra, undir sálar áhrifum

Var að lesa um liti og tilfinningar um daginn og dauðbrá. Þið vitið rautt er æsandi, getur vakið reiði og aðrar tilfinningar, grænt er róandi og blátt tengist þunglyndi. Öll íbúðin mín er með bláu veggfóðri, bæði dökk- og ljósbláu og ég elska blátt og er ekki þunglynd svo ég viti til=) Ég hef frekar tengt blátt við hlýju en þunglyndi en svona er ég vitlaus....
Hver man ekki eftir bókunum um Ísfólkið sem "allar" íslenskar konur hafa lesið. Jæja ég er að detta inn í þann hóp, er byrjuð á fyrstu bókinni á sænsku reyndar. Jessica á allar bækurnar og átti barasta ekki til orð yfir því að Íslendingurinn hafi ekki lesið þessar bækur og hálfpartinn skipaði mér að byrja. Ég sem er svo hlýðin gerði það og viti menn þetta er ekki svo vitlaust eftir allt saman (það held ég að mamma og Edda séu ánægðar núna).
Sólarhringur í að gullna hliðið á Vega opnist og Sálin hans Jóns míns komist inn
pussiluss
Anna Dóra

SÁLIN Í KÖBEN OG LÍKA ÉG

Ég er að fara á Sálartónleikana í Köben næstu helgi JIBBÝ, ég hlakka ekkert smá til.
Er að spá í að gera smá tilraun í nótt. Í nótt á semsagt að skella klukkunni aftur um eina klukkustund til að komast yfir á vetrartíma. Ég var að spá ef maður fer út á lífið hvort maður græði þá eina klst á barnum? Hvort þeir hafi opið lengur?

Best að bjarga kjúllanum út úr ofninum áður en hann ofsteikis

puss puss
Anna Dóra

Þá er maður búinn að vera árinu eldri (og reyndari) í heila viku og ég finn strax heilmikinn mun á mér. Hef til dæmis mætt mjög tímalega í vinnuna bæði í gær og í morgun =)ekki stimplað inn 7:28 eins og venjulega heldur 7:15 ég veit ekki hvað þetta er, ætli ég sé að fullorðnast eins og Guðrún tók svo skemmtilega til orða?
Takk kærlega fyrir allar gjafirnar og kveðjurnar, held svo sem að frumlegasta gjöfin hafi verið frá honum elskulegum bróðir mínum sem þykir svo vænt um hana systir sína að hann lét sérhanna handa henni lyklakippu með mynd AF SJÁLFUM SÉR!!! Fékk annars margar skemmtilegar gjafir, stelpurnar gáfu mér 6 skotglös með mynd af hauskúpu, upplagt fyrir íslenskt brennivín, heitir það ekki svarti dauði=) fékk líka skemmtilega spúkí kertastjaka frá þeim, á honum erum beinagrindur og þegar loginn flöktir þá dansa þær, auðvelt að verða sjóveikur ef maður starir of lengi á þær.

Jæja hugsa að ég hafi þetta ekki lengra í bili
bið að heilsa
Anna Dóra

Anna Dora og Josefin 

Það var ekkert smá gaman hjá okkur í gær. Við í skemmtinefndinni vorum semsagt gleðidömur og tókum okkur bara frekar vel út þó ég segi sjálf frá=)Partýið heppnaðist stórkostlega. Við ákváðum að hafa smá fimmþraut milli borða þar sem keppnisgreinarnar (að sjálfsögðu í anda vilta vestursins) voru spurningakeppni, pílukast, kasta skeifum(af tillitsemi við veitingastaðinn notuðum við plast í staðinn), kasta reipi og loftreið (þykjast vera á hestbaki) og fengu keppendur hest á priki til að styðjast við (get ómögulega munað hvað svona hestur kallast) þetta tókst alla vega brilljant. Svo var dansað frameftir nóttu og sumir héldu svo áfram og skelltu sér í bæinn. Við vorum nú einu sinni 2 að halda uppá afmælið okkar=)

gleðikveðja
Anna Dóra

Bordellbrudar 

Við eigum afmæli í dag tralalalalala bara svona fyrir ykkur sem ekki fylgist með!!

Risapartý í kvöld og búningurinn minn orðinn klár þökk sé mömmu og Rúnu. Fékk smá pakka að heiman í dag. Nóa og Siríus súkkulaði- er hægt að fá betri afmælisgjöf þegar maður býr erlendis I don't think so=)

Best að koma sér í gírinn, skella sér í sturtu og svo af stað í djammið, við ætlum að hittast á undan skemmtinefndin og koma öllu í stand, segi ykkur svo síðar frá því hvernig til tókst og aldrei að vita nema einhverjar myndir fylgji.

Kveðja
Anna Dóra afmælisbarn

Fékk að vita í dag að þar til búið er að fara i gegnum mönnun og slíkt að ég fékk áframhaldandi ráðningu út janúar alveg heilan mánuð- Jey. Annars er svo gaman í vinnunni þessa dagana. Það kom upp sýking á gjörgæslunni hérna (MÓSI fyrir ykkur sem þekkja til) þannig að það er frekar lítið að gera hjá okkur bara nauðsynlegar aðgerðir. Í dag fór ég með 2 öðrum svæfingahjúkkum út í klukkutíma göngutúr, við eigum rétt á svokallaðri friskvård 1 klst á viku ef starfsemin leyfir og megum þá fara út að labba eða í ræktina á spítalanum og þar sem nær engin starfsemi var eftir hádegi ákváðum við að skella okkur út í góða veðrið.

Styttist óðum í partýið góða, síðasti fundur skemmtinefndar á morgun það verður spennandi að sjá hvað verður.......
Þá er komið að hamingjuóskunum: Til hamingju með litla prinsinn Ásdís, og svo má nú ekki gleyma henni Ninnu Rós en hún varð 7 ára síðasta föstudag, stóra stelpan í vinahópnum.

bið að heilsa í bili
Anna Dóra

VELKOMIN Á EIGHTIES NOSTALGIU!!

Var að lesa aftonbladet nú í vikunni og þar var einmitt grein um áttunda áratuginn og hvernig allt sé að koma aftur. Ég ætla að telja upp nokkur atriði og endilega látið mig vita hvort þið munið eftir þessu og ef ykkur dettur eitthvað meira skemmtilegt í hug:-)
Sjónvarpsefni: Dallas, Miami Vice, Cosby. Tónlistin: Michael Jackson með Billy Jean og Thriller, Madonna með Like a virgin. Bíó: Fatal attraction, ET, A fish called Wanda. Föt: Legghlífar, steinþvegnar gallabuxur, axlapúðar, neon litir. Accessories: Sítt að aftan, vafflað hár, varasalvar með bragði, túberað hár og tonn af hársprayi, og síðast en ekki síst Jane Hellen sjampó og hárnæring, í þríhyrndum flöskum og hálft andlit á hvoru, málið var að eiga bæði til að leggja þau saman=)

Já stundum er ótrúlega gaman að lesa blöðin. Ég fékk þetta líka deja vú með Jane Hellen, flash back í skólasund og leikfimi ég held barasta að við höfum flestar verið með þetta.
Annars er allt gott hér, svo mikil þoka í dag að rétt sér á milli herbergja, vona bara að ég rati í vinnuna á eftir.
En nóg masað, deigið að klára að hefast, best að skella sér í brauðbaksturinn og súpugerðina, ekki vill maður svelta í dag frekar en aðra daga.

puss puss
Anna Dóra

Copenhagen here we come!!!
Ætla að skella mér til köben um helgina með Guðrúnu, Eiríki, Guðfinnu og Jessicu. Við ætlum bara að taka lífinu rólega, borða góðan mat, kíkja í nokkrar búðir og bara almennt skemmmta okkur vel.

Lilta leikþættinum er lokið, við lékum þetta litla stykki okkar ekki sjaldnar en 15 sinnum á 3 dögum og skemmtum okkur alltaf jafn vel. Þessi hópur sem var að leika náði einstaklega vel saman og varð niðurstaðan ólík útkoma leikritsins í hvert skipti. Hverjum öðrðum en okkur hefði dottið í hug að pakka pylsubút inn í plastfilmu og láta sem það væri botnlanginn sem við vorum að skera upp og fleygja því svo í áhorfendurna =) Við fengum alla vega góðar viðtökur og lendum á topp 5 af því sem var boðið uppá. Mér finnst þetta í raun sniðugra en starfsdagurinn sem við fengum í 10unda bekk, fara einn dag á vinnustað og skoða. Þarna voru fulltrúar frá 5 starfsstéttum, iðnaðarmenn, við og fleiri að kynna sig og gefa unglingunum innsýn í atvinnumarkaðinn. Mæli með þessu. Þó svo að mér hafi þótt gaman að þessu er ég samt að hugsa um að eftirláta leiklistina öðrum=)

Ég hef verið "KLUKKUÐ" er þetta það nýjasta í bloggheiminum? Helga Dís klukkaði mig sem þýðir að ég á að segja ykkur 5 staðreyndir um sjálfa mig.
1. Ég ELSKA súkkulaði, er súkkulaðifíkill á háu stigi
2. Mér finnst ofboðslega gaman í vinnunni minni, er svo ánægð með að hafa farið í framhaldsnámið
3. Mér finnst gaman að ferðast, New York næsta, hver veit hvað tekur við þaðan
4. Ég er með einsdæmum óheppin, þið sem þekkið mig vitið hvað ég meina
5. Ég er vinur vina minna, ég á alveg frábæran vinahóp

Ég var að hugsa um að klukka ykkur öll barasta, endilega verðið við áskorun minni og skellið inn nokkrum kommentum
Púff hvað þetta varð langt
Puss og kram í stugan
Anna Dóra

Mamma mín þekkir mig of vel...

Fékk pakka að heiman nú í vikunni og hvað haldiði að hafi verið í honum Jú bók með 200 suduko þrautum I'm loving it, ég er svo þokkalega húkkt á þessum þrautum að ég takmarka þær við hámark 2-3 þrautir á dag.
Ótrúlegt hvað tíminn er fljótur að líða barasta kominn október og bráðum komin jól.
Ætla að nota tækifærið að óska afmælisbörnum mánudagsins til hamingju með daginn þar sem ég verð upptekin við að laða unga Svía í heilbrigðisgeirann :-) Þau eru Lilja Rós til hamingju með daginn, stórafmæli á þeim bænum. Villi frændi og Íris Björg litla skottan að verða 3ja ára.

Jæja ætli það sé ekki best að kíkja á handritið og æfa mig fyrir debutið á fjölunum, segi ykkur svo frá því hvernig gekk.
Hollywood beware
Anna Dóra, actress

Update....

Haustið virðist vera byrjað að skríða inn, dimmmt á morgnana þegar ég vakna, bara 10°C þegar ég labba í vinnuna á morgnana og lokaðir skór og sokkar komnir í stað sandalanna. Engu að síður hlýjar sólin okkur ennþá yfir miðjan daginn, hitastigið nær allt að 20°C ekki slæmt miðað við kuldakastið sem virðist skekja Íslendinga í augnablikinu.
Af mér er það helst að frétta að ég er að skipuleggja vinnupartý fyrir okkur á skurðstofunni og gjörgæslunni. Þemað verður vilta vestrið. Við sem erum í skemmtinefndinni ætlum allar að vera eins klæddar og þori ég ekki að uppljóstra klæðnaðnum eins og stendur vegna tryggra lesenda úr hópi vinnufélaganna:-)en það er aldrei að vita nema ég setji inn mynd af sjálfri mér eftir partýið, fylgist spennt með, djammið verður aðaldag ársins 21. október =)Mamma og Rúna eru einmitt í dag að vinna í búningamálum fyrir mig, thank you girls
Ætla einnig að leyfa ungum Svíum (níunda og tíunda bekk) að njóta leikhæfileika minna 3-5. okt. Það er einhvers konar kynning á atvinnulífinu og við verðum nokkur spítalafólk sem setjum á svið leikþátt um konu sem veikist svona aðeins til að kynna okkur og gefa þeim innsýn í lífið á spítalanum, held að þetta geti verið gaman. Lét vinkonu mína sem er PR-hjúkka plata mig í þetta.
Ef einhvern langar svo á nostalgíu fortíðartripp get ég bent ykkur á að skoða gamlar íslenskar auglýsingar á kvikmynd.is hver man ekki eftir Hófí þegar hún gengur um götur Reykjavíkur og safnar með sér fólki í REYKLAUSA LIÐIÐ (var ekki málið reyklaust Ísland árið 2000!!) og Jón Páll að hvetja krakka til að drekka Svala svo fá dæmi séu nefnd. Versta er eiginlega að ég man vel eftir þessum auglýsingum og fannst þær ábyggilega ekkert smá flottar á sínum tíma=)
Jæja þetta er orðið ansi langt hjá mér
Bless í bili
Anna Dóra skemmtanaglaða

Hvað haldiði að ég hafi gert í dag?

Ég skráði mig á sundnámskeið, skriðsund fyrir fullorðna, ég er ekkert smá ánægð með mig, búin að langa lengi að ná upp færni í skriðsundi og læra rétta tækni (vona nú að eitthvað sitji eftir síðan á sundnámskeiðunum úr skólanum)þannig að ég ákvað bara að drífa mig í þessu fyrst ég heyrði af þessu. Þetta verður einu sinni í viku, seinnipart á sunnudögum, fylgist spennt með árangri mínum hér=)

Þetta er svona það nýjasta af mér að frétta, eitthvað nýtt hjá ykkur?

Kram
Anna Dóra

Hæ hæ
Á fimmtudagskvöldið var party á hæðinni fyrir ofan mig sem er svo sem ekki í frásögur færandi nema ég sem var hrikalega þreytt var alveg viss um að ég myndi aldrei sofna. Svo er allt í einu hringt dyrabjöllunni og fyrir utan stendur gaur með vínflösku og spyr hvort ég eigi tappatogara. Ég játaði því og opnaði flöskuna fyrir hann og sendi hann svo aftur í partýið. Fór svo í innflutningspartý til Caroline og Patricks í gær þar sem gjöfin sló í gegn. Keyptum gestabók og vinabók eins og maður átti þegar maður var í skólanum í gamla daga og svo svona ýmsa smáhluti eins og teninga sem lýsa í myrkri, eitthvað til að leika sér að í svefnherberginu.
Er svo að fara í afmæli til Hákonar, fínt að fara í kökur svona eftir djamm gærdagsins.

Bið heilsa í bili
Anna Dóra

Hægt og hljótt.............
Þannig líður mér akkúrat núna. Allir farnir og ég orðin aftur ein í kotinu. Það er nefnilega smá læti sem fylgja svona ormum. Rúna, Ágústa og mamma eru semsagt búnar að vera hjá mér með ormana sína síðan á miðvikudag og er búið að vera óvenju mikið líf í húsinu þessa daga, ætli nágrannarnir séu ekki mest fegnir að þau séu farin þó svo að mín vegna hefðu þau mátt vera mikið lengur=) Ragga og Óli kíktu til okkar á föstudaginn og eyddu deginum með okkur. Annars erum við búin að vera svo heppin með veður sól og 20°C þannig að við höfum svosem getað verið mikið úti og leikið okkur á milli þess sem við höfum kíkt í búðir. Ég gat nú aðeins verslað líka og keypti mér hrikalega flotta mokkakápu, verð ábyggilega aðalskvísan í bænum í haust=)

Bið að heilsa í bili
Takk fyrir komuna
Anna Dóra

Sætu strákarnir mínir. Halldór Óskar og Hermann Ingi.

Til hamingju aftur María með prinsinn
kramis
Anna Dóra

Var ég nokkuð búin að segja ykkur frá netta sjokkinu sem ég fékk um daginn. Ég sat í rólegheitunum í sófanum að lesa blaðið þegar ég heyri allt í einu bank á svalagluggann. Þar sem ég bý á annarri hæð varð mér frekar hverft við þegar ég lít upp og stari KÖTT sem situr á gluggasyllunni. Ég varð þá auðvitað að kíkja út til að sjá hvaðan kisi litli kom, hann notaði náttúrulega tækifærið og skaust inn til mín =) ég sótti nú kisa og fór með hann út á svalir aftur þar sem ofnæmið mitt þolir ekki kisu innandyra. Ég þurfti ekki að velta mér lengi uppúr því hvaðan kisi kæmi því hann gerði sér lítið fyrir, hoppaði uppá handriðið og yfir á næstu svalir. Þar sem ég er nú svo mikið gæðablóð =) var ég fyrst alveg miður mín hvað ég ætti að gera við kisa því hann var ómerktur og ekki gat ég bara hent honum út á götu=( og ekki gat ég haft hann hjá mér þar sem ég fann að það var stutt í öndunarörðugleika. Þannig að þið getir rétt ímyndað ykkur hvað ég var ánægð að hann kom úr næstu íbúð. Ég hef allavega ekki rekist á kisa aftur þannig að ég vona að nágrannarnir passi betur uppá hann.

Kveðja í bili
Anna Dóra

Hæ hæ gleðifregnunum rignir látlaust hér í Karlskrona- ekki skrýtið hvað mér líður vel hérna!!

Jú Jessica vinkona mín var að komast inn í framhaldsnám í gjörgæsluhjúkrun, Caroline var að trúlofa sig (skil reyndar ekki alveg hvað þeim liggur svona rosalega á, kynntust í mars, fluttu saman í ágúst nú bíð ég bara eftir brúðkaupi og barni=)) og Óli og Linda eignuðust strák, allt gerðist þetta síðasta fimmtudag what a day.

Annað sem gerðist hér á fimmtudaginn er að ég held að nú séu nágrannarnir endanlega búnir að stimpla mig bilaða jú crazy lady með arachnacphobia fór að ryksuga kl 22:30 af hverju það var könguló dinglandi í ljósinu fyrir ofan rúmið mitt og ég hefði ekki sofið annars alla nóttina vitandi af henni þarna. Crazy lady var svo næstum búin að banka hjá einhverjum nágrannanum á leiðinni í vinnuna í gærmorgun því á veggnum í stigaganginum var þetta líka risa köngulóarflykki crazy lady var ekki viss um að komast út en þar sem skyldan kallaði dró hún andann djúpt og stökk framhjá flykkinu og óskaði af öllu hjarta að það yrði horfið þegar hún kæmi tilbaka seinna um daginn.

Hef einmitt hugsað aðeins út í hræðslu mína við köngulær síðustu daga þar sem Caroline er flutt í köngulóarnet, ég hef aldrei séð eins mikið af köngulóm og heima hjá henni og fer þar af leiðandi ekki í heimsókn til hennar á kvöldin í bili=( en þetta er ákveðin fötlun að gjörsamlega lamast þegar þessi kvikindi birtast.

Bið að heilsa í bili
Anna Dóra

Endalaus gleði

Maggi bróðir átti afmæli síðasta laugardag- til hamingju með það- græjaði sig upp með veiðidóti í boði fjölskyldunnar í tilefni dagsins.
Var svo að fá þær skemmtilegu fréttir að beststu bestu vinkonur mínar í heiminum eru að koma í heimsókn til mín. Já Rúna og Ágústa ætla að koma til mín 7-11. sept og taka gormana sína og mömmu með sér (einhver verður nú að passa ef okkur skildi detta í hug að kíkja á schlagerbarinn =)). Þetta voru æðislegustu fréttir dagsins.
Annars er barasta svona same old same old að frétta af mér semsagt bara gott. Bíð líka spennt eftir fréttum að heiman hvort María vinkona sé búin að eiga. Þessa dagana virðast bara góðir hlutir gerast í kringum mig.

Gleðikveðja
Anna Dóra

Hafiði tekið eftir því að maður þarf stundum frí eftir fríið sitt til þess að hvíla sig eftir fríið? Ég er semsagt búin að vera í sumarfríi sem byrjaði með því að ég ók niður til Köben 29. júlí og hitti Eddu og fjölskyldu og við áttum mjög góðan dag saman, Maggi og Helga komu svo um kvöldið og á laugardeginum keyrðum við upp til Fur lítillar eyju í Limafirði og vorum þar með stórfjölskyldunni í viku (stórfjölskyldan er mamma, pabbi, börn, tengdabörn, barnabörn, Ásdís, Geiri og Jónas Ásgeir). Þetta var alveg meiriháttar vika sem við áttum saman, keyrt í Legoland og Fårup sommarland, dýragarð í Álaborg og bara leikið sér, slakað á og borðað góðan mat. Á Laugardeginum skildu svo leiðir, systkinin (ásamt fylgifiskum) skelltu sér til köben meðan restin af stórfjölskyldunni keyrði niður til Þýskalands þar sem þau komu sér vel fyrir í Móseldalnum. Systkinin skelltu sér í tívolí þar sem Halldór Óskar skiptist á að draga pabba sinn og frænku sína í hin ýmsu tæki. Á sunnudeginum flugu Maggi og Helga svo heim og Rúna og co eltu mig heim. Þó svo að veðrið hafi ekki alveg leikið við okkur hér í Karlskrona þá skemmtum við okkur vel saman þar til þau fóru svo í gær og Anna Dóra varð eftir ein í kotinu og byrjaði að hvíla sig. Ég hef ekki nennt neinu, bara legið á sofanum og horft á imbann (ég veit skömm að segja frá svona) en svona er þetta stundum þegar maður hefur verið að gera mikið á stuttum tíma maður þarf að hvíla sig á eftir. Svo byrja ég að vinna aftur á mánudaginn.
Þar til næst
kram kram
Anna Dóra

Þetta er það sem kellan var að flytja í strætó 
Varð bara að sýna ykkur þetta, eruð þið hissa að við höfum hlegið =Þ
Got to run er að fara að fylgja Magga í rútuna
kram
Anna Dóra

Hæ hæ og takk fyrir síðast... mikið um að ske hjá minni

Maggi bróðir búin að vera hjá mér alla vikuna, ég reyndar unnið mikið en hann er svo duglegur að bjarga sér. Reyndar rosa næs að hafa einhvern svona heima hjá sér sem er búinn að vaska upp og svoleiðis þegar maður kemur þreyttur heim úr vinnunni (hmmmm spurning hvort þetta sé eitthvað sem maður ætti að vinna í.....).
Gerði hin undarlegustu kaup í gær.. hvað jú ég keypti nýjan gemsa sem er ekkert óeðlilegt svosem en hann var á tilboði maður borgaði ekkert út og svo er visst mánaðargjald mér leið eins og ég væri að stela, labbaði inn í búð benti á það sem mig langaði í og gekk svo út með það án þess að borga krónu =)
Svo þegar við vorum í strætó á leiðinni heim gerðist svolítið sniðugt (já ég veit þið hugsið Anna Dóra og strætó hvað gerði hún núna!!) að þessu sinni var ég ekki valdur að skemmtiatriðinu heldur miðaldra kona sem brölti inn í vagninn með lága hillusamstæðu já I kid you not ég fór reyndar út á undan kellu en Maggi sá hana brölta út með hilluna og svo stóð hún ein eftir á biðstöðinni, ég vona bara að einhver hafi komið til að sækja hana og hilluna:-S
HVAÐ haldiði Maggi keypti Die hard myndirnar og við horfðum á fyrstu myndina saman og við höfum barasta aldrei séð verri íslenska þýðingu, hér koma nokkur dæmi úr myndinni: hólí sjitt, fokking sjitt, djíses kræst, keyra mig niður = drive me crazy og svona mætti lengi telja. Hvað segið þið, hvað viljið þið gefa þýðandanum í einkun, við ákvaðum að fella hann c",)

Kram
Anna Dóra sem kveður Magga á morgun til þess að geta tekið á móti honum aftur á föstudagskvöld.

Í gær.....

Hjóluðu pabbi og Maggi með Eggerti síðasta áfangann í hringferð hans um landið... Ég er STOLT af þeim
Komu nokkrir langþráðir rigningardropar í Karlskrona
Brutu þrumur himininn og hreinsuðu loftið
Blésu kaldari vindar hér

Í dag.....

Er ég úthvíld eftir að hafa sofið heila nótt án þess að vakna kafnandi úr hita, fyrsta skiptið í 3 vikur
Er ennþá skýjað og gott loft úti
Eru 2 dagar þangað til Maggi kemur

Annars er allt gott að frétta héðan, keyrði til Köben á fimmtudaginn og sótti Guðrúnu, Eirík og Guðfinnu. Ákvað að skella mér í matvöruverslun og kaupa smá vín meðan ég beið eftir þeim og villtist endalaust um götur Kaupmannahafnar, þetta gerði mig ennþá ákveðnari í því að vilja ekki keyra í þar þegar ég gisti eina nótt þegar ég fer að hitta fjölskylduna, NEI það verður fundið bílastæði og bíllinn geymdur þar í öruggri fjarlægð frá einstefnugötum og akgreinum ætluðum strætisvögnum ekki utangátta ferðamönnum.
Bið að heilsa í bili

Anna Dóra sem á einstaklega auðvelt með að villast og keyra vitlaust í Köben
c",)

Sól sól skín á mig..............

Lífið er ljúft, eyddi gærdeginum með Jessicu á ströndinni, legið í sólbaði, kælt sig í vatninu. Rúna við förum pottþétt á þessa strönd þegar þið komið til mín, hún er svo vel búin að þar eru stór tré þannig að maður getur setið í skugga með litla pottorma ef maður vill=) Fórum svo í gærkvöldi með Caroline inn til Ronneby á Tosia Bonndager dæmigerður markaður en gaman engu að síður. Ég og Jessica skelltum okkur í tvö tívolítæki og ég veit ekki hvort þetta sé aldurinn eða eitthvað annað en maginn fór ansi skemmtilega á hvolf og manni var hálf óglatt og leið eins og eftir nokkra bjóra að ferðunum loknum- þið getið rétt ímyndað ykkur hvað það var "gaman" að vita að maður ætti eftir að keyra svo heim!! Stefnan er tekin á Ronneby aftur annaðkvöld í þetta skipti á tónleika Lars Winnerbäck held hann sé nokkurs konar Bubbi hér í Svíþjóð hann er alla vega góður, stendur einn á sviðinu með gítarinn sinn.
Jæja spurning um að skella sér út í góða veðrið, klukkan er 11 og ekki nema 25°C í skugganum I love it
Kram
Anna Dóra I'm loving it

Ég og Svíar erum fallin eins og dómínókubbar fyrir japanskri talnaþraut sem kallast sudoku ekkert smá skemmtilegt. Prófið sjálf á http://www.vnunet.com/spotlight/sudoku og látið svo ljós ykkar skína um hvað ykkur finnst.
Annars er allt gott að frétta héðan, hitabylgja í gangi sem er náttúrulega ekki slæmt, verst að þurfa að vinna og geta ekki bara verið úti. Reyndar er gott að hvíla sólbrennda húðina í vinnunni öðru hvoru og til að leyfa henni að jafna sig=)
Var í fríi í gær og eyddi deginum á ströndinni, er í fríi á morgun og ætla að reyna að kaupa mér skó og svo eyða deginum á ströndinni er svo í fríi um helgina þannig að það er aldrei að vita nema maður kíki á ströndina ;-Þ
Bið að heilsa héðan úr sólinni
Anna Dóra

Svíar og hraðbankar = ekkert nema fyndið

Þegar þið leitið eftir hraðbanka leitið þið þá eftir hraðbanka frá ykkar banka eða takið þið bara næsta sem þið sjáið- ykkur vantaði hvort sem er peninginn? Þegar öllu er á botninn hvolft þá er þetta bara hraðbanki!! Var í búð í dag þegar ég var spurð um hraðbanka (bankomat) og benti manninnum vingjarnlega á að hann hefði nú barasta gengið fram hjá einum slíkum en nei það var minuten- hraðbanki frá öðrum banka. Svíar geta ruglað mann endalaust með mörgum heitum yfir sama hlutinn=)

Til hamingju með daginn Jónas Ásgeir og til hamingju með morgundaginn Ásdís, hlakka til að hitta ykkur ásamt öllum hinum núna í lok júlí ótrúlegt mánuður til stefnu.

Hamingjukveðjur

Anna Dóra

Nú fer að styttast í komu 2ja uppáhalds gauranna minna, Magga bróðir og Harry Potters. Ég er búin að panta nýjustu Harry Potter bókina á netinu og Maggi er búinn að panta flugmiða til mín á netinu=) Áætlaður komutími HP 16. júlí og MJ 19. júlí, alltaf eitthvað til að hlakka til. Eins og í dag nú er einn vinnudagur búinn og bara sex eftir í næsta frídag, lífið er yndislegt sól og gott veður og ég í vinnunni, sólbrenn ekki á meðan. Naut þess einmitt í fríinu mínu í gær að leggjast á ströndina og sleikja sólina, yndislegt.

Sólskinskveðjur
Anna Dóra

Er maður óheppinn eða? Vorum að grínast með skurðprógrammið í morgun, einn sjúklingur, það sem við ætluðum að hafa það náðugt í dag, nei það bara bættust við sjúklingar og við unnum eins og mofo's í allan dag. Maður á ekki að bjóða örlögunum byrginn, maður fær það margfalt tilbaka. Annars er allt gott að frétta af mér, same old same old vinna, borða og sofa, djamma þess á milli =) Mamma á afmæli í dag, til hamingju með daginn mútter Jæja best að borga reikninga og hringja svo í þá gömlu kram Anna Dóra

Draumur á Jónsmessunótt?

Þar sem ég er að vinna núna um helgina þegar Svíar fagna Jónsmessunni/Midsommar ákváðu stelpurnar (Caroline og Jessica) að koma mér á óvart síðasta miðvikudag með Midsommarpartý. Ég hélt að við værum að fara út að labba og var því frekar hissa þegar þær stóðu með síld, ferskar kartöflur, ís, jarðaber og vodkabokkuna fyrir utan dyrnar hjá mér. Þetta voru þær víst búnar að ákveða heima á Íslandi að þær yrðu nú að gera eitthvað skemmtilegt fyrir mig til að þakka fyrir ferðina. Þetta tókst alla vega hrikalega vel hjá þeim. Þær færðu mér meira að segja pakka Hrafninn flýgur og í Skugga hrafnsins. Kvöldið var alla vega hrikalega vel heppnað eftir nokkuð mörg vodkaskot fór ég og Jessica út á lífið kíktum á Piraten og skemmtum okkur alveg konunglega (eins og alltaf) við áttum dansgólfið því karlmennirnir voru eins og bísveipur í kringum blómvönd í kringum okkur. Ekki leiðinlegt.
Kíktum svo frekar tuskulegar á hinn árlega laufmarkað í gær og aldrei þessu vant keypti Anna Dóra ekki neitt á markaðnum, var einhvern veginn ekki í stuði til að versla- jú ég var nú hálflasin
:-S kannski þess vegna sem ég gleymdi líka að bera á mig sólarvörnina og þannig að ég roðnaði ansi duglega á höndum og bringu í sólinni í gær =(
Bið að heilsa í bili spennandi vinna sem bíður alla helgina
kram kram
Anna Dóra sólbrennda

Doris svarar fyrir sig.........

Doris er mjög svo vel meðvituð um að 17. júní er frídagur heima á Íslandi en þar sem Doris er með mjög gott en stutt minni ákvað hún að slá á þráðinn til móðir sinnar áður en hún skellti sér út úr bænum á 17. júní. Þar sem Doris hafði hringt eitt samtal milli þess sem hún sveif um af þjóðernisstolti og samtalinu við móðir sína hvarf úr undirmeðvitundinni vitneskjan um að sá möguleiki væri fyrir hendi að móðir hennar lægi heima sofandi=) Maggi minn hefði getað hringt mikið fyrr en að hringja klukkan 9 er nú ekkert svaðalega snemma um morgun þó svo að maður sé í fríi!!!
Mínum 17. júní eyddi ég með Jessicu, við fórum heim til hennar í sveitina fyrir utan Växjö, ég er nefnilega með bíl í láni frá Guðrúnu og Eiríki, dæmigerður 17. júní rigndi á mig ég veit að það var besti 17. júní síðan 1700 og súrkál heima en ég skemmti mér engu að síður vel, svo fórum við í Picknic í gær og síðan í afmæli til bróðir hennar áður en við keyrðum svo heim.
Jæja ætla að henda mér aftur út í góða veðrið sól og fínt
Doris
P.s Maggi var að velta fyrir mér þegar ég sæki ykkur til Köben eftir rúman mánuð hvort ykkur sé ekki sama um að geyma barasta bílinn á Kastrup, Doris er ekkert alltof spennt fyrir því að keyra inni í Stórborginni og týnast ;-) Bara smá hugmynd!!
kram kram

Rakst á þetta á flakki um netið. Enjoy
Í Ástralíu er bannað að stunda kynlíf með kengúrum auk þess sem bannað er að eiga rúm á ákveðnum stöðum án tilskilinna leyfa. Almennir borgarar mega heldur ekki skipta um ljósaperur. Löggiltir rafvirkjar mega einir gera slíkt. Það fáránlegasta af þessu öllu saman er kannski það að í bænum Victoria er bannað að vera í bleikum stuttbuxum eftir hádegi á sunnudögum.

Í bænum Santa Cruz í Bólivíu er bannað að stunda kynlíf með móður og dóttur á sama tíma.

Kanada íbúum er bannað að stíga um borð í flugvél eftir að hún er farin á loft. Það er líka ólöglegt að fjarlægja plástur og önnur sárabindi opinberlega. Í bæ einum segja lögin enn fremur til um að þegar fangi losnar úr fangelsi skal honum afhent hlaðin byssa ásamt hesti svo hann geti riðið út úr bænum sem fyrst.

Íbúum Calgary er bannað að kasta snjóboltum án þess að hafa sérstakt leyfi frá bæjarstjóra og í Nova Scotia er bannað að vökva garða þegar það rignir. Þar er jafnframt bannað að prumpa á meðan maður reykir en í bænum Oxbridge er bannað að hafa internettengingu sem er öflugri en 56k.
Í Kólumbíska bænum Cali mega konur aðeins stunda kynlíf með eiginmanni sínum og þegar það gerist í fyrsta skipti skal móðir konunnar vera viðstödd.
Enskum konum er bannað að borða súkkulaði í almenningssamgöngutækjum, s.s. lestum og strætisvögnum. Það er líka bannað að borða bökur á jóladag og svo mega eiginmenn alls ekki lemja konur sínar eftir kl. 21 á kvöldin.

Í Frakklandi er bannað að kyssast á járnbrautastöðvum og þarlendir svínabændur mega ekki undir neinum kringumstæðum kalla svínið sitt Napóleon.

Í Indónesíu liggur dauðarefsing við sjálfsfróun.
Ítalskir karlmenn mega ekki ganga um í kjólum. Ef þeir gera það eiga þeir á hættu að verða handteknir. Það er líka bannað að blóta opinberlega og í vissum héröðum mega konur sem heita María ekki stunda vændi.
Í Líbanon mega menn stunda kynlíf með dýrum svo framarlega sem dýrið er kvenkyns. Ef það er karlkyns liggur dauðarefsing við brotinu.

Í Sádí-Arabíu mega karlkyns læknar ekki meðhöndla konur. Lögin segja jafnframt að konur megi ekki gerast læknar. (eiga konurnar þá bara að drepast eða hvað?)

Sviss mega menn ekki pissa standandi eftir kl. 22 og heldur ekki hengja upp þvott utandyra, þvo bíla eða slá gras á sunnudögum. Þá liggja sektir við því að gleyma lyklum í ólæstum bílum.
Í Singapore eru munnmök með öllu ólögleg auk þess sem samkynhneigð er alls ekki leyfð. Ennfremur er allt klám bannað og fólk má ekki ganga um nakið heima hjá sér þar sem það er talið til kláms.

Í Skotlandi segja lögin að ef einhver bankar upp á og biður um að fá að nota klósett þá skal hann fá að gera það ella hljóti húsráðandi sektir.

Í Tælandi er ólöglegt að fara út úr húsi án þess að vera í nærfötum.

Í Alabama er bannað að keyra með bundið fyrir augun og það má heldur ekki sigla bátum á götunum. Það furðulegasta er samt að fólk má ekki vera með vöffluís í rassvasanum!

Íbúum Alaska er mjög umhugað um elgina sína og þar af leiðandi stendur það í lögum að ekki megi láta þá hanga úr flugvél. Það má heldur ekki henda þeim út úr flugvélum eða gefa þeim áfengi.

Asnar mega ekki sofa í baðkörum í Arizona og þar að auki er ólöglegt að hafa fleiri en tvö kynlífshjálpartæki á einu og sama heimilinu.

Í Maricoba County mega svo ekki fleiri en 6 stúlkur búa í sama húsinu.

Í Arkansas eru munnmök bönnuð og ekki má geyma krókódíla í baðkörum. Þar að auki er ólöglegt að bera nafn ríkisins vitlaust fram.

Til að setja upp músagildrur þurfa menn að hafa veiðileyfi í Kaliforníu. Þar hafa páfuglar líka forgang í umferðinni, nema þeir séu á vappi í innkeyrslum fólks.

Í Baldwin Park er bannað að hjóla í sundfötum og sums staðar verða menn að eiga minnst tvær kýr ef þeir ætla að ganga um í kúrekastígvélum.

Þá liggur allt að 500$ sekt við því að nota kjarnorkuvopn innan bæjarmarka Chico og í Los Angeles er bannað að þvo tvö ungbörn í sama baðkarinu. Einnig er bannað að eiga flóðhesta en ef menn ætla út að labba með fílinn sinn verður hann að vera í bandi. Að lokum er bannað að þvo bílinn sinn með nærfötum.

Florida íbúar mega ekki stunda kynlíf með broddgöltum og alls ekki reka við opinberlega eftir kl. 18 á kvöldin. Þá mega ógiftar konur ekki stunda fallhlífarstökk á sunnudögum og það er bannað að fara í sturtu nakinn. Eiginmenn mega heldur ekki kyssa brjóst konu sinnar og þar er líka bannað að syngja á meðan maður er í sundfötum.

Lögreglumenn í connecticut hafa leyfi til að stöðva hjólreiðamenn ef þeir fara yfir 100 km hraða og í bænum Devon er bannað að labba aftur á bak eftir myrkur.

Þegar fólk fer í messu á sunnudögum í Georgiu skal bera hlaðinn rifill á sér og allir íbúar þar skulu minnst eiga eina grashrífu á mann. Þar má heldur ekki binda gíraffann sinn við ljósastaur.

Í bænum Marietta var bannað að hrækja út úr fólksbílum og strætó en það má hrækja ef maður er á vörubíl.

Enn eru lög í gildi í Illinois sem banna fólki að tala ensku og þar liggja líka sektir við að pissa upp í munn nágranna síns.

Chicagobúar hafa heldur ekki leyfi til að veiða í náttfötunum eða gefa hundinum sínum viskí. Hins vegar má fólk undir 17 ára aldri mótmæla nakið fyrir framan ráðhúsið, svo framarlega sem það hefur leyfi foreldra sinna, og dýr geta fengið fangelsisvist eins og fólk. T.d. var api dæmdur í 5 daga fangelsi fyrir búðarhnupl.

Í bænum Oblong er svo stranglega bannað að stunda kynlíf á meðan maður er að veiða á brúðkaupsdaginn sinn og þar eru skrímsli heldur ekki leyfð innan bæjarmarkanna.

Talan Pí er venjulega um 3,14 nema í Indianaríki þar sem hún er skv. lögum 4. Þar er öpum líka bannað að reykja og svörtum köttum er skylt að vera með klukku um hálsinn ef það er föstudagurinn 13.

Í Lowa mega kossar ekki vara lengur en 5 mínútur í senn og einhentir píanóleikarar mega ekki krefjast greiðslu fyrir vinnu sína. Jafnframt er slökkviliðsmönnum skylt að æfa sig í minnst 15 mínútur áður en þeir leggja af stað í brunaútkall og að auki mega hestar ekki borða brunahana.

Hænsnaþjþofar mega ekki stunda ,,vinnu" sína á nóttunni í Kansas en þar er líka bannað að veiða fisk með berum höndum.

Lög í Kentucky segja að maður teljist edrú uns hann stendur ekki lengur í lappirnar og þar er líka skylda að fara í bað einu sinni á ári. Konur mega heldur ekki kaupa hatta án samþykkis eiginmanns síns og ólöglegt er að þiggja endaþarmssamfarir. Þar má heldur ekki binda krókódíla við brunahana.

Í Massachusetts er bannað að borða meira en 3 samlokur í jarðarför og ljón mega ekki fara með eigendum sínum í bíó. Górillur mega heldur ekki sitja í aftursæti bíla.

Hvað dettur þeim í hug næst=)
kramiz
Anna Dóra

Komin heim, Íslandsferðin var alveg meiriháttar skemmtileg og við hefðum barasta ekki getað verið heppnari eins og með veður, rigndi bara síðustu 2 dagana þannig að það eina sem klikkaði var Vestmannaeyja ferðin því það var ekki flogið vegna veðurs. Fórum beint eftir að við lentum í Bláa lónið í þessari líka bongóblíðu og nutum þess að vera til. Kíktum auðvitað út á lífið bæði föstudag og laugardag og stelpurnar sáu fljótt að ég er ósköp eðlileg svona í mínu "rétta" umhverfi þ.e. innan um aðra brjálaða Íslendinga. Ég ætla nú ekki að telja upp allt sem við gerðum en það helsta var ókum hringinn og fórum á hina og þessa staði, ætli við höfum ekki séð meira af landinu á þessum tíma heldur en margur Íslendingurinn hefur gert um ævina. Það sem stendur mest uppúr er fæðing og skírn litla prinsins Hermanns Inga, Snjósleðaferðin upp á Snæfellsjökul, siglingin niður Hvítá, jökulsárlónið er náttúrulega alltaf fallegt og svo auðvitað þegar Charlie's Angels (okkur) var boðið á skotæfingu af ofurlöggunni sjálfri. Þar sem við vorum svo mikið á ferðinni gafst ekki svo mikill tími til þess að hitta vini og ættingja þannig að þið sem ég hitti, gaman að hitta ykkur og þið sem ég náði ekki að hitta, jæja vona að ég hitti ykkur næst.

Þar til næst
Anna Dóra
P.s. að sjálfsögðu gengum við bakvið Seljalandsfoss fyrir Eyjafjallaskvísuna hana Jóu mína.

Tæpur sólarhringur í innrásina frá Karlskrona.....

Ótrúlegt en satt þá er ferðin að bresta á, við erum búnar að tala um þessa ferð frá því í janúar og á morgun er hún orðin að raunveruleika. Það verður svo gaman, er að hugsa um að gefa ykkur forskot á sæluna með smá preview af því sem við ætlum að gera

• Bláa lónið
• Djamm í Reykjavík
• Hvalaskoðun, líklegast frá Reykjavíkurhöfn
• Snjósleðaferð á Snæfellsjökli
• Riverrafting niður Hvítá

Keyra hringinn í kringum landið og ég ætla að reyna að standa mig sem leiðsögumaður að sjálfsögðu með góðri hjálp frá vegahandbókinni. Ef þið eruð með einhverjar hugmyndir ekki vera feimin að fleygja þeim fram.
Sjáumst á morgun
Anna Dóra

Eurovision lokið og Grikkir stóðu uppi sem sigurvegarar með hinni sænsku Helenu í fararbroddi. Sem þýðir að ég hafði rétt fyrir mér, ég spáði henni sigri =) Við hittumst nokkrar skvísur hjá Jessicu í gær og horfðum á keppnina saman og OMG nágranni hennar er í bókstaflegri merkingu UGLY NAKED DUDE nákvæmlega eins og í vinum, einni okkar varð litið út um gluggann og sér þá beint í botninn á eldri kalli sem bara gekk um nakinn og liggur við pósaði fyrir opnum tjöldum ekki fögur sjón.
Viljiði svarið við gátunni? Í raun er ekkert svar til, þetta er spurning sem meðal annars FBI leggur þegar þeir eru að yfirheyra geðsjúka einstaklinga grunaða um morð eða jafnvel fjöldamorð til að sjá hversu sjúkir þeir eru í höfðinu. Þeir sem svara eins og Maggi að fyrst maðurinn kom í jarðaför móðurinnar hljóti að vera einhver tengsl og því allar líkur á að hún hitti hann aftur í jarðaför systur sinnar lenda mjög hátt á lista yfir grunaða.
Maggi minn heldurðu að það sé loksins kominn tími til að leita sér aðstoðar?
4 dagar í innrásina
Anna Dóra

Eurovision á næstu grösum og við ekki með :( Selma stóð sig reyndar mjög vel, það er eins og hún segir landslagið í þessarri keppni er að breytast, hverjum hefði til dæmis dottið í hug að Moldavía hefði komist áfram á ömmu gömlu? Annars horfði ég á keppnina í gær með Jessicu og við höfðum rétt fyrir okkur um 6 af lögunum sem komust áfram, ekki svo slæmt. Nú er bara Heja Sverige á morgun, annars er ég nú barasta frekar hrifin af gríska laginu Number one mikið spilað á útvarpsbylgjunum hér.
Hér er smá gáta!!
Ung kona er við jarðarför móðir sinnar og sér þar myndarlegan mann, augu þeirra mætast og hún finnur fyrir einhverjum straumum. Áður en hún fær tækifæri til þess að gefa sig á tal við manninn er hann horfinn. 2 dögum síðar myrðir þessi sama kona systir sína. Hver var ástæða morðsins?
Jæja skellið nú fram morðástæðu ég skal svo segja ykkur svarið í næstu færslu.
Heja Sverige
Anna Dóra

Á þessum degi fyrir 2 árum hélt ung Reykjavíkurmær út í óvissuna með móðir sinni. Förinni var heitið í skútustaðinn Karlskrona þar sem snótin huggðist vinna í hálft ár. Núna 2 árum síðar er sama Reykjavíkurmær ennþá stödd í Karlskrona og ekkert á leiðinni heim. Einmitt búin að eyða deginum í bænum með Jessicu og svo ætlum við að kíkja út á lífið í kvöld, aðeins að hita upp fyrir Eurovision næstu helgi.
Hérna kemur smá hugleiðing.
Hvað er þetta með óléttar konur og vorin? Þær virðast barasta springa út eins og blómin. Alveg sama hvert ég lít mér finnst ég ofsótt af óléttum konum. Eða eru þær bara sýnilegri á sumrin?
Hvað haldið þið?
Kveðja
Anna Dóra, sem ætlar að hafa það blixterkul í kvöld

Njóli eða......

Varð fyrir því "skemmtilega" óhappi í morgun að sofa yfir mig, vaknaði 10 mín í sjö í morgun og á að vera mætt í vinnunna kl 7:30. Í stresskasti henti ég mér inn í sturtuna, og svo í föt og út. Þar sem ég var nú á frekar mikilli hraðferð greip ég veskið mitt og svo út á hjólið. Hugsaði svo þegar ég hjólaði á milljón í vinnuna hvað ég hlyti að líta skemmtilega út svona á fjallahjóli með handveski!!! Þegar kom svo að hádegismatnum uppgötvaði ég að peningaveskið varð eftir heima á stofuborðinu, en ég var nú svo heppin að Caroline var að vinna og gat bjargað mér um aur fyrir hádegismat.
Jæja er að fara í endurlífgun barna á morgun þannig að best að fara að kíkja aðeins í bók.

Kveðja
Anna Dóra
P.s. Til hamingju með daginn Ásdís

3 vikur í heimkomu!!!
Styttist óðfluga í að við komum og gerum innrás á Íslandi, erum farnar að hlakka ekkert smá mikið til og varla talað um annað en djamm í Reykjavík og hversu ótrúlega skemmtileg þessi ferð eigi eftir að vera.
Fór að hugsa í gær hvort við gætum ekki grætt á túristum eins og Svíarnir gera, ekki það að við græðum ekki á þeim eins og er. Var að frétta af því að Þjóðverjar eru vitlausir í skartgripi unna úr elghægðum jú góðir vinir þið lásuð rétt elghægðum. Spurning um að fara að nýta aðrar afurðir íslenska hestsins sem allir eru svo hrifnir af =) Nei takk ojbjakk, ég hélt það væri verið að gera grín að mér en raunin er að þetta er staðreynd, getiði ímyndað ykkur að vera með hálsmen unnið úr hægðum flaksandi um hálsinn.......
Er annars bara að njóta þess að vera í fríi, 4 daga lúxuslíf á minni.
Bið að heilsa í bili
Anna Dóra

Jæja er fólk búið að skella sér í kröfugöngu?
Í gær var komu vorsins fagnað að sænskum sið. Á Valborgarmessu hittast Svíar, grilla og fara síðan á brennu. Ég grillaði með Huldu, Steina, Guðrúnu og gormunun þeirra í gær og svo löbbuðum við á brennu og hittum Hrafnhildi með sína gorma. Mér finnst þetta svolítið skemmtilegur siður að fagna vorinu. Við "misstum" reyndar af ræðunni og kórnum en bálið var fínt engu að síður. Kíktum svo aðeins til Hrafnhildar á eftir.
Vann í dag fyrstu helgarvaktina mína á svæfingunni og það var barasta ekkert að gera og tíminn þar með frekar lengi að líða en það leið nú samt.
Ætla að fara og kíkja á ræmu, framlag Svía til Óskarsverðlaunanna í fyrra
Síðar
Anna Dóra

Til hamingju með daginn Óli og Snorri, 5 ára hetjur. Þeir eru nú svo æðislegir bræðurnir að þegar þeir voru búnir að opna pakkann frá henni Önnu Dóru vinkonu sinni sögðu þeir "hvernig vissiruðu að það voru svona kallar sem okkur vantaði og langaði í?" Anna Dóra hafði nefnilega keypt legóriddara eftir vísbendingum úr vinnunni hvað væri vinsælt hjá svona gaurum.

Var reyndar helt slut í höfðinu -eins og Svíinn segir- eftir vinnuna í dag af hverju, jú ég var með ofur metnaðarfullan nema sem spurði og spurði og spurði þannig að ég fékk að hugsa extra mikið í dag, reyndar gaman að sjá að maður kann eitthvað. Ég hugsaði reyndar OMG ætli ég hafi líka verið svona nemi því ég veit að ég spurði alveg rosalega mikið. En eins og ég segi líka alltaf maður kemst ekki að neinu án þess að spyrja.

Jæja er að hugsa um að borga reikninga fyrst ég er komin í tölvuna við heyrumst

Anna Dóra

P.s mánuður í heimkomu, auglýsi hér með eftir eiturhressum djömmurum sem væru til í að skella sér í partý og jafn vel út á lífið með mér og Svíunum mínum 27. eða 28. maí

Forvitnin drap köttinn en ekki Önnu Dóru.... alla vega ekki ennþá!

Eins og þið vitið er ég með einsdæmum forvitin og finnst einstaklega gaman að renna yfir einkamáladálkinn í helgarblaðinu, ekki það að ég sé að leita bara að lesa. Það er svo fyndið sem mikið af fólki skrifar. Hvaða konu með einhvern snefil af sjálfsvirðingu myndi til dæmis detta í hug að svara svohljóðandi auglýsingu: Notuð kona óskast, opin, lítur vel út fyrir minn aldur, átt börn og dýr.... Halló hvað er að fólki?
Ef ykkur fannst þessi slæmur hvað finnst ykkur þá um Þennan
Er annars á leiðinni til Uppsala um helgina í afmæli til Óla og Snorra þeir verða 5 ára á mánudaginn, það verður ekkert smá gaman.

Jæja bið að heilsa í bili, best að fara snemma í háttinn svona einu sinni til tilbreytingar safna kröftum fyrir helgina.
Góða nótt
Anna Dóra

Vorið er komið og grundirnar gróa.........

Held það sé kominn tími til að sinna hinum ýmsu vorverkum eins og að fara að taka út hjólið, smyrja á því keðjuna og dæla lofti í dekkin á því og fara að spænast um stræti og torg á ofurfarti, notast ennþá við fótaflið þar til hestöflin koma til sögunnar, er nefnilega að leita mér að bíl ekki vegna minnar þekktu ofurleti heldur þægindanna vegna.
Hvar annars staðar en hér eru dýraverndunarsamtökin ofvirk? Frétt á textavarpinu í morgun um að dýr í búðum sem eru ekki til sölu heldur bara til sýnis eins og gullfiskur einn sem syndir um í skál í gleraugnabúð í Borås eigi að hafa minnst 40 lítra af vatni til að svamla í, einn dökkann vegg á búrinu svo enginn geti horft yfir öxlina á honum og stað til að geta falið sig á. Eigandi viðkomandi búðar var að vonum frekar mikið hissa og sagði að það væri verið að bera búðina hans saman við dýragarð. Halló who cares, grey kallinn sem hefur vorkennt gullfisknum sínum að vera einn heima á daginn og tekið hann með sér í vinnuna og er barasta kenndur við dýragarð í staðinn =) nei ég veit svo sem ekki hvað liggur þarna á bakvið, finnst þetta bara fáránlegt. Hvað finnst ykkur annars?
kramiz
Anna Dóra

Ef það hefur einhvern tíma verið ástæða til þess að leggja bílnum og taka strætó eða hjóla í vinnuna er það núna, af hverju jú Helga Dís er komin með bílpróf GARG............. sem er svosem auðvelt fyrir mig að segja sem hef ekki séð til hennar undir stýri en þið sem þekkið hana og vitið hvernig hún er skiljið mig!!!

Til hamingju með daginn Helga Dís og farðu nú varlega í umferðinni.
Annars á Gísli líka afmæli í dag, til hamingju með kallinn Jóa mín og Kosta átti afmæli síðastliðinn sunnudag, til hamingju með kallinn Ágústa.

Afmæliskveðjur frá Karlskrona
Anna Dóra

Svíi eða................

Skellti mér aðeins út á lífið með Huldu í gær, við kíktum nema hvað á Schlagerbaren og ég komst að því að ég er engu skárri en Svíarnir þegar kemur að Eurovision, ég alveg tryllist þegar Carola verður Fångad av en storvind eða þegar Herreys byrja með sitt diggiloo diggiley ég verð víst bara að horfast í augu við það að ég er Eurovisionfan best að ræða þetta við stelpurnar á eftir og heyra hvernig þeim lítist á eins og eitt stykki Eurovisionpartý þann 21. maí og hvetja hinn sykursæta Martin Stenmark (held hann sé ekki tengdur skíðakappanum þannig að ekkert ojojojojojojoj þegar hann stígur á svið í Kænugarði).
Er með lamb í ofninum og lyktin er að gera mig brjálaða, ég get ekki beðið eftir að fá að borða á eftir, vona bara að stelpunum finnist þetta gott.
Jæja er að hugsa um að búa til súkkulaðimús handa þeim í eftirrétt, þá verður alla vega eitthvað smáræði sem þær geta borðað ef þær falla ekki fyrir lambinu. =)
Hej då
Anna Dóra ofurkokkur c",)

Blogglægð!!!

Jú búin að vera svo þreytt þegar ég kem úr vinnunni að ég hef rétt meikað það á sófann og varla uppúr honum aftur fyrr en það er kominn háttatími. Annars er allt gott af frétta, gengur vel í vinnunni. Ætlum að hittast íslensku stelpurnar í brunch á morgun heima hjá Guðrúnu og svo ætla ég að bjóða Caroline og Jessicu í íslenskan sunnudagsmat, íslenskt lambalæri með tilheyrandi og við ætlum að skipuleggja aðeins fyrir Íslandsferðina sem er farið að styttast í.

Bið að heilsa í bili
Anna Dóra

Maggi vaxdúkka!!!
Þannig var það að Magnús sem var eins og svo oft áður að bíða eftir okkur hinum sem vorum að skoða stjörnurnar á Madam tussaud og stendur alveg grafkyrr (þið sem þekkið hann kannist örugglega við þetta) og svo þegar hann lítur skyndilega til hliðar standa þar tveir menn sem höfðu verið að dást að honum og greinilega að spá í hver hann væri. Nú það þarf nú varla að segja frá því að þegar Maggi leit á þá misstu þeir sig og voru fljótir að láta sig hverfa, ætluðu ekki að láta alla sjá að þeir hefðu ruglast á vaxdúkku og lifandi manni. Ef ég hefði tekið eftir þessum mönnum starandi á bróðir minn hefði ég líklegast stillt mér upp við hliðina á honum og látið taka mynd af okkur saman aldrei að vita nema maður hefði soðið saman einhverja lygasögu um að hann væri frækinn fótboltakappi eða eitthvað þaðan af betra :-)
Þið báðuð um skýringu og hér fenguð þið hana, persónulega fannst mér þetta eitt af því besta sem gerðist í London ég er þvílíkt búin að hlæja að þessu.
Heilsur
Anna Dóra

Jæja þá er maður kominn heim aftur- þið vitið hvað þeir segja fínt að fara í burtu en heima er best.
Londonarferðin var æðisleg gott veður, yndislegt bara að vera léttklæddur úti og ekkert stress. Hér fáiði smá innsýn í það sem við gerðum
* Skoðuðum Kensington höllina þar sem Díana bjó
* Löbbuðum að Stanford Bridge heimavelli Chelsa
* Fórum í rútuferð með leiðsögumanni um London- mæli með því
* Fórum í smá siglingu á Thames ánni, ekkert nema frábært
*Fórum í London eye- risa parísarhjól á bökkum Thamesárannir og sáum yfir stóran hluta borgarinnar, var reyndar að spá hvort Bretar væru making mockery af Frökkum með því að vera með svona risaparísarhjól í London?
* Fórum á markað í Campden sem mér fannst gaman en Maggi og pabbi voru á því að ég væri að draga þá inn á sögusvið Olivers Tvist þ.e. vasaþjófar útum allt.
* Fórum á Lion King söngleikinn sem var barasta æðislegur
* Fórum á Madam Tussaud og þar var Maggi tekinn í misgripum fyrir vaxdúkku, annaðhvort er hann svona gervilegur eða dúkkurnar svona raunverulegar

Annars hefðuð þið átt sjá hótelherbergið mitt, eina herbergið á hæðinni, inngangurinn að hurðinni var eins og frímerki þannig að ég þakkaði nú fyrir að vera ekki mikið stærri en ég er!!!
Þannig að ég skildi betur af hverju galdraskólinn í Harry Potter er svona skrýtinn eins og hann er.
Annars er Maggi hetja ferðarinnar, við fórum á Pakistanskan veitingastað og Maggi sem aldrei þessu vant var ekki mjög svangur pantaði sér þessa líka girnilegu grænmetissúpu sem var hrikalega græn og full af baunum og vitiði hvað hann kláraði hana- vel upp alinn drengur þar á ferð.
Jæja vona að ég hafi ekki gleymt miklu bið að heilsa í bili
Desperate housewifes að byrja
Anna Dóra

Ég held að það sé eins gott að það séu að koma páskar og ég fái smá frí. Var eitthvað svo þreytt og utanvið mig þegar ég kom heim úr vinnunni að í staðinn fyrir að slá inn 4 stafa kódann fyrir hurðina sló ég inn pin-númerið á debetkortinu mínu og skildi ekkert af hverju hurðin opnaðist ekki ;-)
Annars er allt gott að frétta af mér, ég held að vorið sé að reyna að brjótast fram, snjórinn er byrjaður að bráðna, íkornarnir að skoppa og svo er sól og ágætisveður á daginn, reyndar morgunfrost ennþá en það fer hlýnandi.
Bið að heilsa í bili
Anna Dóra

Ef maður ætlar að keyra fullur er alveg eins gott að gera það almennilega!!
Á forsíðu BLT í morgun var skrifað um konu sem var að keyra drukkin, ekki nóg með að hún var með 3,11 prómill í blóði þá var hún með eina svona 3ja lítra belju milli fótanna og drakk meðan hún keyrði. Lögreglan þurfti víst að styðja konugreyið út úr bílnum sem ber við minnisleysi um atburðinn.

Þetta er ekki brandari heldur satt, ég hélt ég yrði ekki eldri en þetta gerðist víst.
Annars allt í góðu, sófinn ekkert smá þægilegur og ég er svo ánægð.
Kramiz
Anna Dóra

Nýji fíni sófinn minn 

Jæja finnst ykkur ekki nýji sófinn minn glæsilegur? Elsku Sigrún til hamingju með afmælið þitt í gær og bílprófið. Ætlaði bara aðeins að monta mig kramiz Anna Dóra

Til hamingju með daginn strákar!!!

Jú 2 frændur mínir voru að komast í fullorðinna manna tölu eins og það var nú kallað og er kannski enn, þeir voru fermdir í morgun. Ég bakaði meira að segja köku í tilefni dagsins. Guðrún og Eiríkur komu og sóttu nýju svefnsófana sína í dag og ég bauð þeim svo í kaffi á eftir. Það bergmálar aðeins í stofunni minni núna en nýji sófinn kemur á morgun JIBBÝ vona bara að ég fái að fara aðeins fyrr heim úr vinnunni til þess að geta tekið á móti honum en annars ætlar hún Carro vinkona mín að hleypa mönnunum inn þannig að sófann fæ ég hvort sem það er ég eða hún sem tekur á móti honum.

Bið að heilsa í bili
Anna Dóra

Ég enn á lífi þrátt fyrir mikið stress!!!

Skrýtið þetta með stress. Þó svo að hafi unnið sjálfstætt síðustu 7 vikur þá vissi ég alltaf að það var einhver vanur sem stóð á bakvið mig. Núna er einhvern veginn bara að hringja á svæfingalækninn ef það er eitthvað vesen og treysta á sjálfan sig. Get sagt ykkur það svona í trúnaði að aðfaranótt mánudags svaf ég frekar illa og var alltaf að vakna upp gæti verið að ég hafi verið farin að kvíða fyrir mánudeginum?

Að öðru leyti er allt gott að frétta, ég er farin að hlakka til páskanna, helgarferð til London ekki bagalegt, mér finnst ég þurfa á smá tilbreytingu að halda þessa dagana.

Bið að heilsa í bili
kramiz
Anna Dóra

Jeminn haldiði ekki að maður sé orðinn semi-þekktur ekki bara í Karlskrona heldur í öllu Blekinge :-)

Þegar ég var í verknáminu fyrir jól kom mogginn og var að fylgjast með aðgerð þar sem ég var að aðstoða við að svæfa og í morgun birtist þessi hérna í mogganum.


Svo maður vitni nú aðeins í félaga sína Stuðmenn:
Já hún er engin venjuleg kona og hún býr í litla Karlskrona og hún er alveg ofboðslega frægur hún fékk myndina af sér í BLT ...........

Þessi hálf-þekkta í Karlskrona
Anna Dóra semi-kändis

Stelpan á leiðinni til London!!!

Jú þið lásuð rétt, stelpan er á leiðinni til London og ætlar að vera flott á því. Fer á skírdag eftir vinnu niður til Köben og gisti eina nótt og tek svo flugið snemma á föstudagsmorgninum til London þar sem ég ætla að hitta mömmu, pabba, Magga og Helgu Dís og vera með þeim yfir helgina og fljúga svo heim á annan í páskum. Ekki bagalegir páskar þetta eller hur.
Í dag var síðasti dagurinn í aðlögun í vinnunni þannig að á mánudaginn er það Anna Dóra sem ræður, handleiðarinn minn var nú svo sæt og hringdi í mig áðan (hún var úti með sjúkrabílnum þegar ég fór heim) og var bara að spá hvernig þetta legðist nú í mig og aðeins að gefa mér góð ráð- það væri ég sem stjórnaði ekki sjúkraliðarnir en hún sagðist hafa verið svipuð þegar hún byrjaði að þegar svæfingalæknirinn sér um að svæfa þá eigi ég ekki að bakka og hleypa sjúkraliðunum framfyrir mig en vissar hafa þann leiða óvana að halda að þær séu barasta svæfingalæknar held ég því þær hafa unnið í 30 ár á svæfingunni. Nei nú er bara að standa föst fyrir og sýna þeim að núna er það víkingurinn sem ræður.

kram, kram
Anna Dóra