Halló halló

Er núna í syðstu borg Svíþjóðar Trelleborg að vinna mér inn aukapening. Hugsa að ég nái að vinna ca 100 klst á þessum 9 dögum sem ég er hérna. Byrjaði með trompi og tók 2falda vakt, kvöldvakt næturvakt, ekki nema 19 tímar. Var á nv í gær og í nótt. Byrja svo kl 13:30 á morgun. Er jú bara hérna til að vinna svo þetta skiptir engu máli. Verð að vinna fram á síðustu stundu á þriðjudag áður en ég tek lestina heim. Byrja svo að vinna á minni venjulegu vinnu á miðvikudaginn og þá er sumarfríinu mínu lokið þetta sumarið. En mér er engin vorkun, ég verð í fríi í 9 vikur í haust. Fyrst 3 vikur með la familia í Orlando og Íslandi og svo 6 vikur í Peru, eigum við að ræða það eitthvað;)

Heimsótti Gotland í fyrsta skipti síðustu helgi. I fell in love. Ekkert smá fínt og næs. Skoðuðum m.a. Visby og Fårön. Og skelltum okkur að sjálfsögðu út á lífið. Það var Stokkhólmsvika, öll ríkumannabörnin (brats) mæta til Gotlands þessa vikuna og djamma. Tískan á daginn eru gallastuttbuxur sem eru svo stuttar að allri vasar sjást. Svo detta þau í það á kvöldin, kaupa kampavín fyrir 30-40 þús sek og drekka minnst af því, meirihlutinn fer yfir þau þegar þau sprauta því út um allt.
Það eru 3 vikur á hverju sumri sem bratsins taka yfir, vika 28 á tennisvikunni í Båstad, vika 29 á Gotland og svo vika 30 á St. Tropez, ágætt að vita hvaða staði maður á að forðast þegar maður vill ferðast)

kram kram

Já komiði sæl og blessuð!!

Í dag lék ég fyrirsætu. Fór með einni vinkonu minni og við vorum málaðar og svo teknar myndir. Vorum með 3 dress hvor og hérna er smá sýnishorn af myndunum. Ég keypti 20 myndir, fékk 3 í kaupbæti. Ljósmyndarinn tók um 90 myndir og það var ekki auðvelt að velja úr þeim. Ég gerði þetta pínu fyrir egóið, búin að missa tæp 20 kg þannig að mér fannst ég alveg eiga þetta skilið.

Hvernig finnst ykkur myndirnar mínar?

Lífið er ljúft. Búið að vera hitabylgja hér síðustu vikuna, hitinn um 30° bara yndislegt. Var á næturvöktum um helgina. Erfitt að sofa á daginn vegna hitans. Eina ráðið er að skella sér á ströndina og henda sér í sjóinn og kæla sig og þorna svo í sólinni (og sofa pínu í leiðinni). Ákvað reyndar að hvíla húðina aðeins í dag. Tók powerwalk, labbaði 10,5 km, svitnaði eins og bréfberi. Er að reyna að hafa aðeins fjölbreytni í æfingunum. Skellti mér í ræktina í gær nefnilega.

Sumarfríið mitt byrjar í næstu viku. Ég og Jessica ætlum að hitta Lindu vinkonu okkar á Gotlandi nokkra daga. Síðan ætla ég að skella mér til Trelleborg og vinna í 8 daga áður en sumarfríinu mínu lýkur. Verður ábyggilega gaman og þar fyrir utan borgar þetta ferðina til Perú =)
Síðan verður alvöru sumarfrí tekið í október þegar ég fer með la familja til Orlando áður en ég fer til Perú.

kveðja úr hitanum