Einhver sem vill update á íslensku?
Galapagos var bara geggjad, vill gjarnan fara aftur tangad og sja meira. Tetta var versta lúxussiglingin, teir trifu herbergin 4x a dag. 3ja retta máltíd á kvoldin og nog ad gera á daginn.
Myndir á resedagboken.se alias jessicadoris.
Erum nuna í Baños í Ecuador, erum á leidinni í 2ja daga frumskógarferd (jungle tour) á morgun. Komumst ekki naer amazonen en tetta tannig ad audvitad gripum vid taekifaerid.

Annars er allt gott ad fretta af okkur, vid búum í staerri rútunni erum 27 pers. Ekki enn sofid tar en tad hlýtur ad koma ad tví.

Fylgjist annars med á resedagboken
kram

TOMORROW TOMORROW ÆVINTÝRIÐ HEFST TOMORROW

Já ótrúlegt en satt þá er komið að þessu, í augnablikinu finnst mér allt svo óraunverulegt. Við erum búnar að tala um að okkur langi að fara í þetta ferðalag síðan við vorum í Ástralíu, við bókuðum ferðina í mars og svo hefur maður unnið og hugsað í nóvember kemur að þessu og það er Á MORGUN!!!! Efast um að ég eigi eftir að fatta að það sé allt að gerast fyrr en ég er sest upp í flugvélina og er á leiðinni til Ecuador.
Munið eftir að fylgjast með okkur á resedagboken.se
ætla að halda áfram að undirbúa mig, síðasta vaktin í kvöld, hugsa að ég verði líkamlega til staðar, hugurinn hann verður langt í burtu...
puss o kram

10 dagar í að ævintýrið byrji og vitiði hvað? Ég er ekki alveg að fatta að það sé að koma að þessu, ælti það gerist ekki bara í flugvélinni. Þegar ég byrjaði að telja niður voru 55 dagar í brottför og núna er þetta allt að gerast. Á bara eftir að vinna 6 vaktir og ein þeirra er í nótt.

Þó svo að mitt ævintýri sé ekki byrjað, byrjaði það í gærkvöldi hjá "litla" frænda mínum, Magnús Þór er orðinn pabbi, hann og Rakel eignuðust litla prinsessu.

kram

Hæ hæ vildi bara láta ykkur vita að við erum búnar að virkja aftur ferðadagbókina okkar. Þetta er sama síða og við skrifuðum á þegar við vorum í Ástralíu, bara komið nýtt nafn.
www.resedagboken.se og svo snabbsök eftir alias, jessicadoris þá komið þið inn á síðuna okkar.
Las á laugardaginn ferðasöguna frá Ástralíu og vá hvað það vöknuðu margar skemmtilegar og góðar minningar.

Annars er ég víst orðin árinu eldri síðan ég skrifaði síðast, finnst ég hvorki eldri né vitrari, ætli það þýði að ég sé ennþá 31?
Er líka búin að láta bólusetja mig fyrir svíninu, nú á ég bara eftir að klára seinni skammtinn af kólerubóluefninu og þegar hann er klár eru allar bólusetningar klárar og ég búin að gera allt sem ég get til að vernda mig gegn hinum ýmsu sjúkdómum.

nöff nöff

Ótrúlegt en satt þá er bara mánuður í brottför. Á þessum tíma eftir mánuð erum við á Arlanda og nýbúnar að kynnast þeim sem fara með okkur til Galapagos. Loksins að maður er farinn að sjá ljósið við enda gangnanna og kominn með þá tilfinningu að það var þess virði að vinna í allt sumar og ég fæ sumarfrí =)

Annars er allt gott að frétta, ég er búin að missa 15 kg síðan ég byrjaði að æfa í janúar, þokkalega stolt af sjálfri mér=)

kram
Doris

Allt byrjar skríða saman fyrir ferðina, 41 dagur í brottför. Josefinan mín ætlar að sjá um póst, blóm og fjárhag fyrir mig, vill ekki alveg vera að standa í bankaviðskiptum þar;-)
Einn félagi minn mælti með myndavél fyrir mig, ég veit ég á mjög fína og flotta og góða myndavél og það er það sem er vandamálið. Þessi sem hann mælti með er minni en mín og það er það sem ég vill. Með mína stóru myndavél er ég í rauninni bara að biðja um að láta ræna mig og ég vil það ekki.

Well vildi bara keep u informed um það sem er um að ske.
kram

Jæja þá er allt á fullu í undirbúningi fyrir ferðalagið, "bara" 47 dagar til stefnu=)
Búin að kaupa extra ferðatryggingu, láta bólusetja mig, panta flug og gistingu í Stokkhólmi daginn fyrir brottför (það var ekkert flug á laugardeginum), kaupa mér gönguskó og regngalla (takk fyrir afmælisgjöfina family), á í rauninni bara eftir að kaupa gjaldeyri.

Helgin var æðisleg, hitti stelpurnar mínar Caroline og Jessica, við byrjuðum í Växjö á föstudaginn og fórum í krabbaveislu/kräftskiva með familjen Englund. Fórum svo í spa í Ronneby og komum svo hingað heim til mín og elduðum saman áður en við skelltum okkur út á lífið.

Við ætlum að vera með ferðadagbók eins og þegar við vorum í Ástralíu, verðum líklega með sama nafn (ég man ekki hvað það var en Jessica kann það) bara svona ef þið viljið fylgjast með ferðinni okkar.

kram

GALAPAGOS, GALAPAGOS, GALAPAGOS, GALAPAGOS, GALAPAGOS.....
Nei vildi bara segja ykkur að við förum þangað =) Þeir hringdu frá fyrirtækinu í dag og VIÐ KOMUMST MEÐ.
Ég er svo glöð, brosið nær allan hringinn og gott betur.
Ætla út og hlaupa einn hring, aðeins að reyna að ná mér niður, get ekki gert vinnufélögunum það að koma jafn speeduð og ég er núna á næturvaktina eða get ég það.....


GALAPAGOS HERE WE COME

JEIIIIIIIIII
Við tókum last minute ákvörðun og ákáðum að skella okkur til Galapagos =) það er dýrt að fara þangað, sama hvenær maður gerir það!!
Ég hringdi í fyrirtækið í morgun og þeir ætla að bóka ferðina fyrir okkur, eins gott að þeim takist það því við erum búnar að borga. Og ég get ekki hætt að brosa.
Þetta þýðir að við förum 14. nóv og komum síðan heim 20. jan. Ferðin lengist um tæpa viku. 9 vikur á ferðalagi ahhhh hvað ég hlakka til.
Við verðum líklegast með ferðadagbók á netinu til þess að leyfa öllum að fylgast með ferðalaginu, eitthvað svipað og þegar við vorum í Ástralíu=)
Eins gott að þið hittið mig ekki í augnablikinu, ég get ekki þurrkað glottið af andlitinu á mér, enda engin ástæða til þess, ég er svo hamingjusöm.
kram

Fór í siglingu um helgina, vinur minn á 40 feta seglbát. Við vorum 6 og sigldum til Karön fyrir utan Ronneby. Ég var pínu sjóveik á leiðinni þangað, frekar mikill öldugangur, á leiðinni heim í gær var svo fullkomið veður til að sigla, ég hafði reyndar tekið sjóveikitöflu og veit ekki hvort ég hefði orðið sjóveik ef ég hefði ekki tekið hana en af hverju að taka sénsinn. Þó svo að þetta hafi verið stutt sigling var engu að síður öldugangur í höfðinu á mér í gær. Ég hlýt að vera hænuhaus þegar það kemur að sjó, ég þarf ekki nema hálftíma á sjónum og er með öldugang í höfðinu í marga klukkutíma á eftir.
Var að klára að borga s-ameríku ferðina í morgun, nú er ekki aftur snúið=) var í sambandi við fyrirtækið í síðustu viku og við erum 35 sem erum búin að skrá okkur í ferðina=)

puss o kram

Tilbúnar í slaginn, hér koma nokkrar myndir, ferðasagan fyrir neðan

Komum að startlínunni og ALLIR á keppnishjólum, nema við

Tók hina ca 10 mín að hjóla frá okkur, síðan voru það bara við og náttúran. Og fylgdarmótorhjólið okkar, sem við sáum alltaf öðru hvoru. Hinir voru kannski með fylgdarbíl en við vorum með Mc

Hægt að rokka feitt þó maður sé í hjólakeppni á frekar nýju hjóli

Heja heja, áfram Doris

13 km eftir, búnar með 111 km og þá kom úrhelli

Þreyttar en ánægðar komnar í mark á 6 klst 23 mín

Að taka á móti verðlaununum=) Alvin systursonur Josefin hjálpaði mér að taka á móti þeim, fékk gjafabréf í gær, hringi svo í fyrirtækið efti r helgina og má svo sækja keppnishjólið í nóvember.

Það er svona hjól sem ég vann =)

I DID IT japp, við hjóluðum glasrikeresan í gær 124 km og náðum að halda markmiðinu okkar, að hjóla hverja 10 km á ca 30 mín, ég á venjulegu hjóli og Josefin á fjallahjóli. Við hjóluðum á 6 klst 23 mín. Í því voru 4 stutt stopp við drykkjarstöðvar þar sem við hlóðum batteríin með sportdrykk, saltgúrka, brauðbollu eða kexi og eitt stutt pissustopp. Við byrjuðum daginn með staðgóðum morgunverði, beikon og egg og gróf brauðsneið. Keyrðum svo til Kosta og sóttum númerin okkar. Sóttum svo hjólin og komum okkur fyrir aftarlega í startinu, elítan átti að vera fremst (skiljanlega) og okkur til mikillar undrunar voru ALLIR á keppnishjólum (tour de france hjólum) nema VIÐ. Það tók ekki meira en 10 mín áður en allir voru búnir að hjóla frá okkur=) Við börðumst síðan í gegnum brautina, ótrúlega heppnar með veðrið, það var skýjað á köflum, sól og því miður komu góðar vindhviður inn á mili sem voru nema hvað í mótvindi, við fengum aldrei meðvind=(. Það voru mun fleiri brekkur uppímóti en niðurímóti í brautinni sem við börðumst við, 2 þeirra voru svo svaðalegar að á tíma var ég farin að halda að ég væri að hjóla á staðnum (hafiði heyrt um brekkurnar sem héldu endalaust áfram, þetta voru þær) en við börðumst áfram og hjóluðum upp allar brekkurnar, þetta var nú einu sinni hjólakeppni ekki göngukeppni;-) Þegar við áttum 13 km eftir kom svo 10 mín ískaldur þéttur regnskúr, eigum við að ræða hvað það var ömó en við héldum áfram og komumst svo í mark þar sem var tilkynnt að nú kæmu dömurnar sem væru búnar að berjast gegnum brautina =) Hugsa að við höfum fengið mest klapp, allir héldu með okkur nema hvað, allir svo impressed. Seinna um kvöldið var svo verðlaunaafhending, lottaðir út hinir ýmsu vinningar og vitiði hvað ÉG vann glænýtt racehjól ég á núna svona tour de france hjól=) það var reyndar smá svindl í gangi. Ein af aðstandendum keppninnar tók á móti okkur í markinu og hengdi medalíu um hálsinn á okkur og fannst ótrúlegt að við hefðum farið keppnina á hjólunum okkar. Allir hinir voru jú á svona hjólum þannig að henni fannst önnur okkar (sérstaklega ég sem var á venjulegu hjóli) eiga skilið nýtt hjól. Ég er ekki sú sem afþakkar svona fínt hjól, það er 12 þús sek virði. Þannig að ég skoraði ekki bara á sjálfa mig með því að taka þátt og fannst ég sigurvegari, heldur fékk ég líka fínustu verðlaunin=) Á næsta ári ætlum við að hjóla tjejvättern sem er 90 km og svo aftur þessa keppni, ef það gengur vel að hjóla hver veit nema við förum alla leið 220 km, það er seinni tíma vandamál =)

Ótrúlegt en satt þá finn ég ekki svo mikið fyrir því í dag að ég hafi hjólað 124 km í gær, er í rauninni fit for fight aftur. Hef reyndar ekki sest á hjólið og ætla mér ekki að gera það í dag en hver veit hvað gerist á morgun.
kramiz

Komin tími á update eða? Veit reyndar ekki hversu margir kíkja hingað lengur, allir eru jú á facebook, nema mamma og pabbi og ég veit að þau kíkja hingað.
Síðasta föstudag var ég í krabbaveislu (kräftskiva), við átum og átum og skemmtum okkur konunglega. Kräftor eru ekki beint krabbar en ég veit ekki hvernig ég á að lýsa þeim, millibil milli rækju og humars í rauninni, ef maður færi eftir útlitinu myndi maður líklegast ekki borða þá en mmmm ekkert smá gott.
Á laugardaginn er loksins komið að hjólakeppninni, 120 km, wish me luck;-) Fjárfesti um daginn í hjólabuxum með fóðri í klofinu, ég hefði ekki trúað því en vá þvílíkur munur. Hjólaði í 3 klst (55-60 km) síðasta sunnudag og fann ekki fyrir neinu.
Er ástfangin af nýja tónlistarprógraminu mínu SPOTIFY (www.spotify.com) Get hlustað á tónlist, búið til lista yfir uppáhaldstónlistina mína og allt er löglegt =) Hafiði hlustað á Kings of Leon? Þeir eru í uppáhaldi hjá mér þessa dagana, kíkið á use somebody og sex on fire.

Kram

Smá minifrí.... ótrúlegt en satt þá er ég í fríi núna fram á sunnudagsnótt, bara gott. Flestir eru að koma aftur úr sumarfríi á mánudaginn, ágætt að vita að núna á ég mitt eftir, 8 yndislegar vikur í ævintýraferð um s-ameríku. Núna getur maður byrjað að telja niður ekki satt...
Hef haldið áfram að æfa mig fyrir hjóladæmið, hjólaði ekki nema 92 km um daginn, eigum við að ræða hvað ég var aum í endanum á eftir.... hjólaði svo um 40 km síðasta sunnudag, þetta er minna mál en ég hélt, sérstaklega ef það verður gott veður. Við ætlum svo að taka æfingahring 50 km 23. ágúst. Við stefnum á að hjóla hverja 10 km á 30 mín, ágætis markmið held ég.

kram

Komin með nýtt verkefni.
Ég og Josefin og vonandi fleiri, ætlum að hjóla glasrikeresan. Við ætlum reyndar "bara" að hjóla lighthringinn sem er 110 km, markmiðið er að klára hringinn á 8 klst. Þar sem það er bara mánuður til stefnu ætla ég að byrja að æfa í dag. Ætla að hjóla til Rödeby sem er ca 10 km og þaðan til Alltorp, að Skärfa og niður á hjólastíginn frá Nättraby heim, hugsa að í heildina sé þetta um 20-25 km. Í dag er það ok, sól og heiðskýrt.
Jæja best að koma sér af stað svo ég komi nú heim einhvern timann.

kram

Ætli það sé ekki best að leyfa Rúnu aðeins að fylgjast með því sem er að gerast hjá okkur=)
Síðasta miðvikudag keyrðum við í heimsókn til Rögnu og Óla. Á fimmtudeginum skelltum við okkur svo til Borås og fórum í dýragarðinn og vorum svo heppin að vera í stúkusæti þegar ljónunum var gefið, við erum að tala um 1,5 m frá ljónunum (á bakvið gler að sjálfsögðu) þegar þau rifu í sig engin smá læri, drengirnir tóku andköf og gleymdu næstum að anda. Þetta er mjög skemmtilegur dýragarður, ég get alveg mælt með honum. Á föstudeginum keyrðum við heim og komum við í High Chaparall, kúrekagarði þar sem við hittum Lukku Láka, Dalton bræður, Indíána, sáum ansi flotta villta vestur sýningu og vorum rænd í lestarferð til Mexíkó. Ég á 2 litla Lukku Láka núna. Annars höfum við bara mest notið þess að vera saman, meðan mamma, pabbi og Helga Dís kíktu í búðir í gær fórum ég með strákana í lestarferð um miðbæinn og í dag meðan ég svaf eftir næturvaktina fóru þau í Barnens gård og haldið ykkur fast drengirnir plötuðu ÖMMU sína í vatnsrennibraut!!! Mér hefur ekki einu sinni tekist það.
Í kvöld ætla ég og Helga Dís á pöbbarölt með hinum ýmsu konum, sumar þekki ég, aðrar ekki. Ein sem ég þekki er að hóa saman kvenfólki á pínu stelpukvöld á pöbbinn, hljómar bara vel ekki satt. Á morgun kíkjum við líklegast í smá heimsókn til vinkonu minnar sem er með smá sveitabæ, skoðum dýrin sem hún er með heima og ætlum að kaupa egg. Síðan á fimmtudaginn verður komið að kveðjustund. Ótrtlegt hvað þessir 10 dagar líða hratt, sem betur fer á ég góða vini sem ætla að fylla upp í tómarúmið sem kemur þegar fjölskyldan fer.
Jæja Rúna mín ertu sátt við þetta?
kram

Nú eru þau á leiðinni. Komin í lestina og ég bíð spennt eftir að þau komi. Mamma, pabbi, Helga Dís, Halldór Óskar og Hermann Ingi ætla að heiðra mig með nærveru sinni næstu 10 dagana. Helga Dís ætlar reyndar til Köben og hitta Hildi nokkra daga meðan við hin ætlum í heimsókn til Röggu og Óla. Kíkja í Ullared (versla föt á drengina) dýragarðinn í Borås og High Chaparall, kúrekaskemmtigarð. Ég keypti meira að segja púða í bílinn til að eiga fyrir núna Hermann, seinna verður ábyggilega einhver annar gormur sem notar hann. (hvað ætli maður fái mörg fullorðinstig fyrir svoleiðis?)
Jæja ætla að skella í eina kladdköku, maður verður að eiga eftirrétt þegar maður fær svona fínt fólk í heimsókn
pussiluss

Warm... kind of hot in those RHINOS, ekki hægt að segja annað.
30° og steikjandi sól. Erfitt að vera í fríi þessa dagana, margar erfiðar ákvarðanir eins og hmmm hvaða playa á ég að velja í dag? Ætti maður að fá sér einn kaldan til að kæla sig niður eftir ströndina? Erfitt líf ekki satt?
Ætla að hjóla niður í bæ, ekki til að kaupa skó í þetta skiptið, keypti 2 pör um síðustu helgi=) ætla að hitta Guðrúnu og Eirík þau eru í heimsókn frá Uppsala. Hver veit nema að maður kíki á Glassiären og fái sér ís í hádegismat... maður má svoleiðis á sumrin.

Jæja best að skella sér út í hitann og sólina, vona bara að það sé ekki jafn mikill raki í loftinu og í gær, sveittur bréfberi fékk nefnilega nýja merkingu í gær. Maður svitnaði bara við að stinga nefinu út á svalir ég tala nú ekki um við að labba á ströndina, enda skellti ég mér beint í sjóinn þegar ég kom þangað.

puss o kram

Til hamingju með daginn mamma.
Í kvöld er ég að fara út á Aspö, eyju hér fyrir utan. Við ætlum að taka ferjuna kl 17 . Cissi og Ulrika eiga sumarhús þar og við æltum að hittast nokkur úr vinnunni. Grilla, drekka, fara í gufu og hver veit, kannski fáum við að hoppa í sundlaugina þeirra. Annars höfum við alltaf sjóinn;-)

Ætla að hjóla niður í bæ, mig vantar létta strigaskó og svo eru ballerínuskórnir mínir orðnir frekar slitnir, myndi slá 2 flugur í einu höggi ef ég fyndi 2 pör af skóm í dag.

Hafið það gott í hitabylgjunni sem er spáð heima, ég hef það yndislegt í hitanum hérna.
puss o kram

Gleðilegan þjóðhátíðardag=)
Var að sjá þetta myndband um ferðina sem ég ætla í núna í nóvember og bara varð að deila því með ykkur. Spáið í það eftir 5 mánuði verð ég þarna. Ég fékk hjartsláttartruflanir af gleði yfir að horfa á þetta og hugsa útí allt sem ég á eftir að sjá og upplifa.

kramisar

Ég var búin að lofa ykkur mynd frá vinnupartýinu og verði ykkur að því=) Við erum flottastar ekki satt. Þetta er skemmtinefndin sem sýndi naked yoga.
kram

Í kvöld koma Jessica og Emma frá Växjö!!! Getið þið ímyndað ykkur hvað gerist þá... Júbb partý við ætlum út að borða og svo sjá til hvað tekur við. Líklegast fínir kokteilar ef ég þekki okkur rétt =)
Hlakka svo til að hitta þær, orðið langt síðan við hittumst síðast.
Er enn að vinna í því að fá myndir, þær koma.

kram

Vinnupartýið tókst vonum framar vel... Allir voru súperánægðir og kölluðu skemmtiatriðið "skemmtun í heimsklassa" hvað gerðum við. Við sýndum nakinyoga. What... júbb við saumuðum búninga og byrjuðum svaka alvarlegar með yoga, 2 karlar og 2 konur síðan fór allt úrskeiðis því við fórum að einbeita okkur meira að hvert öðru og áhorfendum en yoganu. Ég er að vinna í því að fá myndir, set þær inn þegar ég er búin að fá þær.
kram

Fékk skilaboð frá Hrafnhildi á fésinu, hún hafði fundið upplýsingar um þyrlukúrsinn sem við vorum á og þar var takk fyrir vitnað í yours tryly og Hansi vinnufélaga okkar um okkar álit á kúrsinum:) Maður fyllir í þessi eyðublöð sem þeir vilja og gefur leyfi fyrir því að þeir vitni í mann en á ekki von á því að það gerist. Ég hlýt að hafa orðað þetta svona vel...

Var í brúðkaupi síðasta laugardag (eins og sjá má á myndinni kannski) og kom sjálfri mér á óvart og hélt smá ræðu, enda svo sem ekki á hverjum degi sem ein af bestu vinkonum mínum giftir sig. (förlåt Jessica, jag snodde bilden från dig). Flottur vinahópur ekki satt?
Mánudeginum og þriðjudeginum eyddi ég á Käringön fyrir utan Gautaborg og tók þátt í survivalæfingu fyrir þyrluáhafnir(kíkið endilega á myndbandið þið sem hafið ekki séð það á facebook). Æfingin felur í sér að við setjumst inn í þyrlulíkan, spennum beltin og svo er líkaninu sökkt í sundlaug, því snúið 180° og þegar það stoppar eigum við að koma okkur út úr því. Þetta var meira andlegt álag en líkamlegt (þó svo að ég hafi verið dauðþreytt eftirá) ímyndið ykkur hvernig þetta var. Maður situr í líkaninu og svo segir stjórnandinn BRACE, BRACE, BRACE allir beygja sig saman (eins og í flugvélum) og svo heyrir maður 3, 2, 1, og svo sér maður hvernig vatnsyfirborðið hækkar og færist nær og nær og maður þarf að velja rétt augnablik fyrir síðasta andartakið áður en maður er kominn undir vatnið sjálfur. Ég er reyndar fegin að hafa tekið þátt í æfingunni því bara það að hafa tekið þátt og vita hvernig maður á að bregðast við eykur mínar lífslíkur ef eitthvað slíkt myndi gerast þegar ég er í útkalli.
Jæja, ætla að halda áfram að undirbúa vinnupartýið sem verður næsta föstudag.
Kram

Ótrúlegt stóri strákurinn minn er 7 ára í dag, tíminn líður ekkert smá hratt. Í gær voru liðin 6 ár frá því að ég flutti til Karlskrona.
Ég er að fara í brúðkaup næstu helgi, Caroline ein af bestu vinkonum mínum hérna er að fara að giftast honum Patrik sínum. Að því tilefni keypti ég mér 2 pör af skóm á miðvikudaginn, annað til að nota í brúðkaupinu (það er ekki hægt að mæta berfættur í brúðkaup eða hvað?) hitt parið keypti ég af því að það var 50% afsláttur af öðru parinu ef maður keypti 2 pör, því miður fann ég ekki 3ja parið því þá hefði það verið ókeypis!!! Góðir svona dílar í skóbúðum ekki satt. Bæði pörin eru með hæl og oppna tá, svo sætir, annað parið hvítt með svörtum borða og lítilli slaufu (fyrir brúðkaupið við bleika fína kjólinn minn) og hinir svartir líka ógó sætir og ca 8 cm hæll á báðum:-)
Kram

Hugsa að ég sé með frjókornaofnæmi. Fór og skokkaði smá hring úti í skógi á sunnudagsmorgun og var varla komin heim þegar það byrjaði að renna úr nefinu á mér sem stíflaðist síðan allt meira eftir því sem leið á kvöldið. Ég var í fríi í gær og skellti mér út að þvo bílinn, var úti kannski klst og fór svo í búðina beint á eftir. Sjaldan liðið eins og glæpamanni en mér leið þannig í gær. Ég var náttúrulega svaka sæt með rennandi nef, hnerrandi mig í gegnum búðina með aðra hendina undir nefinu til að reyna að stöðva flóðið sem hótaði að bresta fram. Það elti mig öryggisvörður allan tímann meðan ég verslaði, ég sá hann alltaf útundan mér, vona að það hafi verið af því að honum fannst ég sæt, ekki vegna þess að ég leit grunsamleg út....
Annars allt gott að frétta héðan úr sólinni, vorið komið og frjókornin líka;-)
kram

Hvernig ætli orðrómur byrji?
Ein vinkona mín kom til mín í dag og sagðist þurfa eiga alvörugefið samtal við mig ég Ég kom af fjöllum og spurði hvað ég hefði nú gert af mér. Þá hafði hún heyrt að ég væri að fara til Íslands að vinna í 6 mánuði ehhh í alvöru sagði ég, þar sem ég hafði nú ekki heyrt það áður en alltaf ágætt að vita svona lagað sjálfur eða hvað.
Annars er allt gott að frétta, stend mig barasta ágætlega í ræktinni og geri mínar armbeygjur og magaæfingar samviskusamlega á hverjum degi, það er eitthvað við að skrifa það niður sem gerir það að verkum að maður heldur áfram, kannski er það bara keppninsskapið í mér sem drífur mig áfram, ég skal geta þetta....
Styttist í Grey's JEI við heyrumstum
kram

Komin tími á smá update eða hvað?
Ég skellti mér í helgarferð til Íslands og fór í fermingarveislu til Ingu Rún, ég fatta ekki að barnið sé búið að fermast, my my time flies when ure busy having fun...
Við erum búnar að bóka ferðina til S-Ameríku, hættum reyndar við Galapagos því miður. Af hverju (ég hlakkaði jú ógurlega til að sjá eyjarnar) jú þessi 5 daga ferð hafði hækkað um helming og nú áttu þessir 5 dagar að kosta ekki nema 300 þús ísl. Ég get farið í annað MJÖG langt ferðalag fyrir þá peninga ef ég má segja mitt álit, fattiði hvað þetta er dýrt!!!
Ekkert mikið nýtt annars, vinna, sofa, borða, æfa, djamma same old same old
Verð að hætta, Caroline er rétt ókomin og við ætlum að borða lunch saman og svo kíkja í búðir, yndislegt, sólin skín og við báðar í fríi.
kram
Anna Dóra

JÁÁÁÁ.... Ég fæ 9 vikna frí og get farið til s-Ameríku áhyggjulaus. Ef þið vissuð hvað ég er glöð, ég dansaði heim úr vinnunni í morgun og tók nokkur gleðihopp í vinnunni þegar ég fékk að vita að ég fæ frí=) Á morgun ætla ég að tala við Jessicu og svo er bara að panta ferðina.
Hérna getiði kíkt á ferðina mína, PINK CARAVAN er undir latinamerika Equador-Brasilien. Þetta verður bara gaman, ég er þegar farin að hlakka til.
Nei núna verð ég að hætta þessu monti og fara að vinna
Ísland næsta....

Kafbátabjörgunaræfingunni lokið og lífið komið aftur í réttar skorður. Í lok æfingarinnar fengum við að fara um borð í kafbát og skoða allt, meira að segja þar sem þeir geyma tundurduflin og skjóta þeim út. Ég get lofað ykkur að ég myndi ekki vilja vera sólarhring í svona dollu. Allt þröngt og lítið. Sturtan var svo lítil að ég lofa ykkur að þið skiptið ekki um skoðun þar inni.
Er að koma í helgarferð til Íslands, Inga Rúnin mín er að fermast, ekki á hverjum degi sem systkinabörnin manns fermast. Ég er reyndar ekki að fatta að hún sé orðin svona gömul, mig minnir að hún hafi verið 2ja ára þegar hún kom með mér í fyrirlestur í klásus í hjúkkunni ahhhh where did the time go?
Ætla annars að panta S-Ameríkuferðina í vikunni, þarf bara aðeins að ræða við yfirmenn mína um að ég fái örugglega frí á umræddu tímabili, samningurinn er að ég vinn allt sumarið gegn því að fá frí í 9 VIKUR seinna á árinu, þetta ferðalag verður ljúft. Ég fæ hraðan hjartslátt af hamingju þegar ég hugsa um ferðina, sérstaklega GALAPAGOS ahhhh getið þið ímyndað ykkur hversu ljúft það er að snorkla með risaskjaldbökum og sæljónum? Fyrir utan allt dýralífið á eyjunum!!
Sí jú um helgina....
kram

Takk fyrir frábæra helgi Rúna, Gígja og Jessica....
Mikið búið að vera um að ske núna. Rúna, Gígja og Jessica voru hjá mér um helgina. Á föstudaginn vorum við með gæsaveislu fyrir Caroline sem tókst vonum framar. Þemað var fína og fræga fólkið og var ég Victoria Sivestedt, sænsk playboy bunny, Jessica var Amy Winehouse og við klæddum Caroline sem Paris Hilton. Hvernig finnst ykkur mér hafa tekist til með my makeover? Við skelltum okkur í stripaerobic, fína og fræga fólkið heldur sér víst í formi þannig (get alveg mælt með því því það var ekkert smá gaman og frekar erfitt) sungum singstar, fórum í discokeilu, út að borða og enduðum svo á balli, frábær dagur. Á laugardaginn fórum við svo aftur út á lífið, hittum vinnufélaga mína og skemmtum okkur það vel að ég dró alla heim í eftirpartý, síðustu skriðu heim um hálffimm.
Núna eru stelpurnar farnar og raunveruleikinn að taka aftur við. Ég er verð niðri á herstöð alla vikuna, við erum að fara að æfa kafbátabjörgun þar sem áhöfnin þarf að komast í háþrýstisúrefniskút.
Takk aftur fyrir frábæra helgi
puss o kram

Kíkti út á lífið í gær, einn barinn hérna var að prófa nýja hugmynd, 30+ og ég var með boðsmiða. Fór með hóp af fólki og vá hvað við skemmtum okkur vel. Þar sem þetta var í fyrsta skipti sem þetta var opnaði húsið kl 21 og það var boðið upp á bubblies og smá snarl. Síðan tók gleðin öll völd. Veit ekki alveg hvað mér hefði fundist um þetta fyrir nokkrum árum en fyrst ég er orðin þrítug þá var þetta allt í lagi. Þeir ætla að vera með þessi 30+ kvöld fyrsta föstudaginn í hverjum mánuði. Skrýtið samt að vera á bar þar sem aldurstakmarkið er 30 ár og maður er einn af þeim yngstu á staðnum, orðið mjög langt síðan það gerðist síðast.
Best að taka mig til fyrir næturvaktina
kram

Lofaði víst að setja mynd af mér sem Madonna frá jólapartýinu í vinnunni. Fékk myndina í gær þannig að hér er hún.
Hvað gerir maður ekki til að skemmta vinnufélögunum.
kram

Er svo ánægð með lífið og tilveruna. Er komin á fullt í ræktinni, fer orðið 4-5x í viku og ég er svo stútfull af orku að ég hálfpartinn vorkenni fólki í kringum mig. Fékk einmitt að heyra það einn morguninn að ég mætti ekki vera svona hress svona snemma dags, því það fái hina til að líta illa út=) Get ekki sagt að ég hafi tekið það nærri mér, onei ég dansaði í burtu frá þeim, enga neikvæða vibba í morgunsárið. Styttist í að Rúna og Gígja komi í heimsókn, þær ætla að koma í helgarferð pæjurnar, það verður ekkert smá gaman að fá smá heimsókn.
Vitiði hvað mig dauðlangar í.... Saltkjöt og baunir. Ég get alveg gert baunasúpu en vantar saltkjötið. Síðan ég flutti hingað fæ ég alltaf craving í saltkjöt og baunir í kringum sprengidaginn, svo er það svo gott.
Til hamingju með bolludaginn

Bjó til Sushi á fimmtudaginn og aftur í gær, það var bara gott. Fór í fiskborðið í búðinni og keypti bæði lax og túnfisk. Gerði California rolls, nori maki og laxa nigiri, ef sushi er ekki uppáhaldsmaturinn minn þá veit ég ekki hvað. Hvað finnst ykkur, tókst það ekki bara ágætlega hjá mér?

Ég elska svona veður eins og er núna. Það er snjór, kalt, pínu hált og glampandi sól. Ætla að skella mér út í góðan göngutúr í fína veðrinu, búin að vera inni að vinna alla helgina, kominn tími á smá útiveru og sól.
Hef annars verið að velta einu fyrir mér í vikunni. Ég er með ofnæmi fyrir köttum, ætli ég sé þá með ofnæmi fyrir öllum kattardýrum eins og t.d. ljónum og hlébörðum? Ekki það að ég sé á leiðinni að kaupa mér ljón not at all, mig hefur alltaf dreymt um að fara til afríku og komast í dýraathvarf þar sem ég fæ að klappa, eða halda á hinum ýmsu dýrum m.a. ljónum.
Bið að heilsa í bili

Úti er alltaf að snjóa.... ekkert nýtt fyrir ykkur á Íslandi en hér er hellingssnjór. Búið að snjóa í alla nótt og allan morgun=) Vona bara að snjórinn haldist alla vega næstu viku því þá er frí í öllum skólum. Ég get ekki að því gert en ég vorkenni krökkum hérna svolítið að það kemur svo lítill snjór á veturna. Er eitthvað skemmtilegra en að leika sér í snjónum. Búa til snjókarla, kerlingar, hús. renna sér á sleða, skíðum, skautum. Ég hefði allavega ekki viljað missa af því.
Ætla að fara að taka mig til, það er smá fræðslufundur með nemunum núna kl 14 og svo fer ég á aðra fræðslu í vinnunni kl 16:30, nóg að gera í dag.
bið að heilsa

Það er svo gaman þegar maður veit að það styttist í eitthvað skemmtilegt. Ég er að fara til Växjö á morgun, við stöllurnar ætlum að kíkja á uppistand. Hann heitir Magnus Betnér og er svo yndislega cool og kaldhæðinn, algjörlega minn húmor, ekki verra að hann er myndarlegur líka;-)
Ég fæ aftur að taka þá í kafbátabjörgunaræfingu með hernum, í viku 12 eða 16. mars hefst æfingin, verður spennandi og skemmtilegt. Æfingin stendur yfir í viku, fyrirlestrar og svo sólarhringsæfing þar sem áhöfn verður bjargað úr sökkvandi kafbát. Hversu kúl er ekki það að fá að búa um borð í risastóru herskipi...
Annars er bara afslöppun framundan, er í helgarfríi og fer ekki að vinna fyrr en aðfaranótt þriðjudags. Verð með nema núna næstu 6 vikurnar, strákur sem er að læra svæfingar, ég verð reyndar mikið á næturvöktum þannig að sá sem er handleiðari með mér þarf að sjá um nemann að mestu leyti, ekki það að ég sé sár yfir því, not at all.
Góða helgi

Í dag líður mér betur en ég á skilið. Búið að djamma alla helgina og ég er sprækur sem lækur í dag, skellti mér meira að segja í ræktina áðan. Jessica var í heimsókn um helgina og hún færði mér voodoo dúkku jepp þið lásuð rétt. Ég fékk Stella Posh sem elskar að skemmta sér og drekka góða drykki, hún gefur þér kraft til að vera glæsileg alla nóttina án þess að verða þunn daginn eftir ;-) einhver sem sér samhengið!!
kram

Úff, í morgun var smá upprifjunarnámskeið í súrefniskútnum sem var bara gott og blessað, alltaf fínt að fá smá upprifjun. Síðan var smá brunaæfing í kútnum og ég get sagt ykkur að það var kallt. Við köfuðum niður á 5 metra og þá voru slökkviúðararnir inni í kútnum settir í gang og við fengum smá sturtu í leiðinni brrrr. Til að gera allt saman raunverulegt þá tóku þeir rafmagnið af í leiðinni þannig að allt varð svart. Ef maður lítur á björtu hliðarnar þá er allavega hreint í kútnum núna og við vitum að slökkvikerfið virkar on the downside þá er mér ennþá kallt.
Er í fríi það sem eftir lifir dags, síðan taka við 3 næturvaktir=) Ég elska að vera komin á 3skiptar vaktir segi eins og í McDonalds auglýsingunni barababbabbaaaa I'm loving it......
kram

Ég er komin heim og það gekk svosem ekki áfallalaust fyrir sig. Ekkert alvarlegt samt, ferðataskan mín ákvað að prófa hvernig það er að verða viðskila við eigandann. Það voru mjög kærir endurfundir í dag þegar við sameinuðumst á ný=) Ég beið heillengi við færibandið á Kastrup, hugsandi týbískt, taskan mín hefur farið fyrst inn í vélina og kemur síðust út (þegar ég var farin að horfa á alla aðra úr sama flugi hverfa). Allt í einu stoppar bandið og svo kom maður og byrjaði að taka burtu þær töskur sem voru eftir á bandinu ehhh segi ég og spyr hvort það séu örugglega allar töskur komnar, Jújú allar töskur komnar, vinsamlegast snúið yður að þjónustuborðinu. Ég þangað og fylli út tilkynningu um að við höfum því miður orðið viðskila ég og taskan. Sá mest eftir að hafa ekki sett myndarammana sem drengirnir mínir gerðu í handfarangurinn. En í dag fékk ég svo samtal frá SAS að taskan væri komin í leitirnar, hvort ég væri heima því þeir ætluðu að keyra töskuna heim. Ég spurði síðan gaurinn sem kom með töskuna hvað hefði orðið um hana en hann vissi það ekki, þeir fá víst ekki að vita slíkt, eru bara ánægðir að finna eigendurna.
Get reyndar mælt með Australia, við erum að tala um ágætismynd með the sexiest man alive!!! Ég fór næstum í hjartastopp yfir ákveðnu sturtuatriði í myndinni og vorkenndi sjálfri mér MJÖG mikið að þurfa sofa ein þá nótt.
Kram

Annaðhvort fengu allir pening í jólagjöf eða fólk er ánægt með að vera ennþá með vinnu!!! Fattaði ekki alveg að útsölurnar væru byrjaðar á laugardaginn þegar ég kíkti í kringluna og OMG það var ekki þverfótað fyrir fólki í innkaupahugleiðingum, ég sem hélt að ég væri að gera góðverk með að ætla að bjarga efnahag landsins, ehh mér sýnist á öllu að þið séuð fullfær um að bjarga ykkur sjálf!! Annars finnst mér ekki gaman að kíkja á útsölur, fullt af fólki allir að troðast, búið að týna út allt það besta eða leggja það undan, samt kíkir maður alltaf í von um að finna eitthvað.
Hitti MS-vinkonur mínar á laugardaginn, ótrúlegt hvað tíminn líður hratt þegar það er gaman hjá manni, allt í einu var klukkan farin að nálgast 23 og við nýkomnar. Ætla að hitta fleiri vinkonur í fyrramálið, ætla að bjóða þeim hingað í tacolunch, ég veit það hljómar bara gott....
Ætla svo í bíó annaðkvöld með Rúnu systir, við ætlum að sjá Australia ef fleiri vilja koma með er bara að láta vita.... the more the merrier eins og skáldið sagði.
kramis

Gleðilegt árið allir saman.
Árið byrjaði vel, ég fékk að sofa út þrátt fyrir að drengirnir væru í heimsókn, vaknaði meira að segja á undan stóra drengnum=)
Átti hefðbundin áramót í faðmi fjölskyldunnar, við enduðum kvöldið með singstar, djö.. hvað það er skemmtilegt og maður þarf ekki einu sinni að kunna að syngja.
Hugsa að Maggi fái hrakfallabálkastig ársins. Hann fór í gær í 3ja sinn í llíbarkújs á slysó á árinu í gær. Jepp hann er lögreglumaðurinn sem kinnbeinsbrotnaði þegar hann fékk grjót í andlitið á mótmælunum, en fínt fyrir mig.... núna er hann í veikindafríi meðan ég er á landinu, ég fékk enga vinnu þannig að við verðum að druslast saman næstu daga systkinin=)
Ég veit ekki hvaða stig ég ætti að fá fyrir árið eða hmmm jú kannski að ég viti það en hugsa að ég haldi því bara fyrir sjálfa mig, ef þið þekkið mig rétt eigið þið ekki í vandræðum með að giska rétt....
kram